20ఏళ్లుగా ఇండస్ట్రీలో ఉంటున్నా.. నాకు సలహాలిస్తున్నావ్ హీరో వైరల్ కామెంట్స్

టాలీవుడ్ యంగ్ డైరెక్టర్ ప్రశాంత్ వర్మ రూపొందించిన తాజా చిత్రం జాంబిరెడ్డి. ఫిబ్రవరి 5న థియేట్రికల్ విడుదలకు సిద్ధమవుతున్న ఈ సినిమాతో తేజ సజ్జా హీరోగా అరంగేట్రం చేస్తున్నాడు. చైల్డ్ ఆర్టిస్ట్ గా ఎన్నో సినిమాలలో నటించిన తేజ ఇటీవల ఓ బేబీ మూవీతో రీఎంట్రీ ఇచ్చాడు. అయితే తాజాగా జాంబిరెడ్డి సినిమాకు సంబంధించిన ప్రమోషనల్ వీడియోలో ఇద్దరు యువహీరోలు తేజ, యంగ్ సెన్సేషన్ విశ్వక్ సేన్ ఇద్దరూ సీరియస్ గా ఒకరి పై ఒకరు వివాదాస్పద కామెంట్స్ చేసుకున్నట్లు తాజా వీడియోలో కనిపిస్తుంది. వీడియో స్టార్టింగ్ నుండి ఎండింగ్ వరకు తేజ - విశ్వక్ నువ్వా నేనా అన్నట్లుగా వెటకారంగా ప్రశ్నలు సమాధానాలు సంధించుకున్నారు. చూస్తుంటే ఇద్దరూ ఒకరి పై ఒకరు సెటైర్స్ తో చెలరేగిపోయారు. ఇదంతా జాంబిరెడ్డి మూవీ ప్రమోషన్స్ కోసమే అయినా ప్రేక్షకులకు మాత్రం ఫేస్ టు ఫేస్ వార్ లా అనిపిస్తుంది.

అయితే జాంబిరెడ్డి విడుదల సందర్బంగా హీరో తేజను విశ్వక్ సేన్ ఇంటర్వ్యూ చేయడానికి వచ్చినట్లు తెలుస్తుంది. రాగానే మూవీ పోస్టర్ మొత్తం నువ్వే కనిపిస్తున్నవ్.. నువ్వు కూడా హీరో, కథ, డైరెక్షన్ అనుకుంటా.. వాడిని చూసి ఇన్స్పైర్ కాలేదు కదా? పోస్టర్ బాగుంది షార్ట్ ఫిల్మే కదా? అంటూ తేజ పై పంచులు వేసాడు విశ్వక్. ఇందులో భాగంగా తేజ కూడా విశ్వక్ కు స్ట్రాంగ్ వార్నింగ్ ఇచ్చినట్లే అనిపిస్తుంది. 'నేను ఇరవై సంవత్సరాలుగా ఇండస్ట్రీలో ఉంటున్నాను. నువ్వు ఎప్పుడు వచ్చావో తెలియదు. ఎలాంటి సినిమాలు తీయలనేది నువ్వు నాకు సూచనలు ఇస్తున్నావు.." అంటూ కామెంట్స్ చేసాడు. మొత్తానికి ఇద్దరూ ఒకరి పై ఒకరు కామెంట్స్ చేసుకుంటూ వెరైటీగా సినిమాని ప్రమోట్ చేయడానికి ట్రై చేశారు. కామెడీ హారర్ నేపథ్యంలో తెరకెక్కిన ఈ సినిమాలో ఆనంది, దక్షా నగర్కర్ హీరోయిన్లుగా నటించారు. జాంబిస్ కాన్సెప్ట్ తో వస్తున్న ఫస్ట్ తెలుగు సినిమా ఇది. చూడాలి మరి ఈ ప్రమోషనల్ వీడియో సినిమాకు ఎలా హెల్ప్ అవుతుందో!