తేజ చరిత్రలో విలేజ్ పాలిటిక్స్

లవ్ స్టోరీల స్పెషలిస్ట్ అని కొన్నేళ్ల క్రితం గుర్తింపు సంపాదించుకున్న దర్శకుడు తేజ.. ఇప్పుడు ఫామ్ లో లేడనే విషయం తెలిసిందే. మళ్లీ తన స్థాయిని అందుకునేందుకు.. కొత్తగా ఏదైనా చేయాలనే కసితో ఓ పొలిటికల్ మూవీ చేయబోతున్నాడు. 'చరిత్ర' అనే టైటిల్ పై తెరకెక్కనున్న ఈ చిత్రంలో.. హీరోగా దగ్గుబాటి రాణా కనిపించనున్నాడు. కాజల్ అగర్వాల్.. కేథరిన్ థ్రెసాలను హీరోయిన్లుగా ఫైనల్ చేసేశారు కూడా.

స్టోరీ ప్రకారం చరిత్ర.. ఓ పొలిటికల్ డ్రామా అని తెలుస్తోంది. అయితే.. ఇది రాజకీయాలపై తీసే సినిమా అయినా.. ఓ చిన్న విలేజ్ లో జరిగే పాలిటిక్స్ బేస్డ్ గానే ఉంటుందని అంటున్నారు. ఈ మూవీలో దేశ రాజకీయాలు.. తెలుగు రాష్ట్రాల్లోని రాజకీయాలను ఏ మాత్రం టచ్ చేయబోడట. కనీసం ఒక్క కేరక్టర్ కూడా.. రియల్ లైఫ్ పొలిటీషియన్లలో ఎవరికీ ఐడెంటిటీ ఉండకుండా జాగ్రత్త పడుతున్నారని అంటున్నారు. ఇప్పుడున్న రాజకీయ పరిస్థితుల్లో.. ఏ రాజకీయ నాయకుడికి పాజిటివ్ అనో నెగిటివ్ అనే ఫీలింగ్ ఏర్పడితే.. సినిమా రిస్క్ లో పడుతుందన్నది తేజ ఉద్దేశ్యంగా తెలుస్తోంది. అంతే కాదు ఎవరిని సపోర్ట్ చేయాలి.. ఎవరిని అపోజ్ చేయాలనే కన్ఫ్యూజన్ కూడా చాలానే ఉందట.

రియల్ లైఫ్ పాత్రలకు పోలిక లేకుండా ఉండాలనే మాట రాణా కూడా చెప్పినట్లుగా తెలుస్తోంది. అంతా బాగానే ఉంది కానీ.. ఓ పొలిటీషియన్ ను టచ్ చేయకుండా.. ఓ రియల్ లైఫ్ ఇన్సిడెంట్ ని పోలకుండా.. సినిమా తీసేసి ఆడియన్స్ ను ఒప్పించడం సాధ్యమవుతుందా అన్నదే అసలు క్వశ్చన్. చూద్దాం.. తేజ ఈసారి ఎలాంటి డిఫరెంట్ సినిమా తీయబోతున్నాడో!