సీత కోరుకున్న రాముడు అతను కాదట!

వచ్చే వారం 24న విడుదల కానున్న సీత మీద బెల్లంకొండ సాయి శ్రీనివాస్ బోలెడు ఆశలు పెట్టుకున్నాడు. ఇప్పటిదాకా తన స్థాయికి మించిన హీరోయిజంతో పక్కా కమర్షియల్ సినిమాలు చేస్తూ సక్సెస్ ని టేస్ట్ చేయలేకపోయిన ఈ కుర్ర హీరో సీతలో ఏదో డిఫరెంట్ చేసిన ప్రయత్నమైతే ట్రైలర్ లో కనిపించింది. అమాయకంగా ఉంటూ పొగరుకు ప్రతిరూపంగా కనిపించే కాజల్ అగర్వాల్ ని ప్రేమించే పాత్ర కొత్తగా చేసిన ఫీలింగ్ అయితే ఇచ్చింది.

దీనికి సంబంధించి దర్శకుడు తేజ ఓ షాకింగ్ అప్ డేట్ ఇచ్చాడు. ప్రమోషన్ లో భాగంగా చేస్తున్న ఇంటర్వ్యూలలో అడిగిన ప్రశ్నలకు సమాధానమిస్తూ సీత కథ రాసుకున్నప్పుడు సాయి శ్రీనివాస్ కన్నా ముందు కొందరు హీరోలకు ఈ కథను వినిపించాడట. అయితే కాజల్ డామినేషన్ ఎక్కువగా ఉండటంతో పాటు టైటిల్ కూడా హీరోయిన్ ని ఉద్దేశించి ఉండటంతో వాళ్లంతా నో చెప్పారట

కొందరి దగ్గరికి వెళ్లి వచ్చాక ఫైనల్ గా బాల్ సాయి శ్రీనివాస్ దగ్గరకు వచ్చి ఆగింది. ఎక్కువ ఆలోచించుకుండా ఓకే చెప్పడంతో పట్టాలు ఎక్కేసింది. సీత మీద ఇప్పటికిప్పుడు భారీ అంచనాలు లేకపోయినా విడుదలయ్యాక కంటెంట్ మాట్లాడుతుంది అనే నమ్మకంతో ఉన్నాడు తేజ. ఇప్పటికే ట్రైలర్ చూసాక ఇందులో సంథింగ్ ఏదో డిఫరెంట్ ఉందనే ఫీలింగ్ కలిగించిన సీత తేజ రెండేళ్ల గ్యాప్ తీసుకుని చేస్తున్న మూవీ ఇది. నేనే రాజు నేనే మంత్రి సక్సెస్ చూశాక వెంకటేష్ ఆటా నాదే వేటా నాదే బాలకృష్ణ బయోపిక్ లు వదిలేసుకున్న తేజకు ఇది హిట్ కావడం చాలా అవసరం. అనూప్ రూబెన్స్ సంగీతం అందించిన సీత మే 24న సోలో రిలీజ్ ని దక్కించుకునేలా ఉంది