ఇలా అయిపోయావేంటి తేజస్వీ?

ఐస్ క్రీమ్ పాపా.. ఇంత దారుణమా? కెరీర్ అప్పుడప్పుడే ఊపందుకుంటున్న టైంలో రాంగ్ స్టెప్స్ వేస్తే పరిస్థితి బాగా దారుణంగా మారిపోతుంది. హీరోలకి అయితే మరో ఆఫర్ రావచ్చేమో కానీ.. హీరోయిన్స్ కి ఆ ఛాన్స్ కూడా దొరకదు. ముఖ్యంగా ఆ హీరోయిన్ తెలుగమ్మాయి అయితే... సిట్యుయేషన్ తేజస్విలా తయారైపోతుంది. మహేష్ బాబు మూవీ సీతమ్మ వాకిట్లో సిరిమల్లె చెట్టుతో అరంగేట్రం చేశాక.. పెద్ద ఆఫర్లు కాకపోయినా కొన్ని మూవీస్ లో హీరోయిన్ ఆఫర్స్ వచ్చాయి ఈ తెలుగమ్మాయికి.

కెరీర్ అప్పుడప్పుడే గాడిలో పడుతున్న సమయంలో.. ఐస్ క్రీంతో ఎక్స్ ట్రా హాట్ గా కనిపించడంతో.. ఆ తర్వాత పరిస్థితి మారిపోయింది. కెరీర్ ఒక్కసారిగా గాడితప్పింది. హీరోయిన్ నుంచి మళ్లీ సపోర్టింగ్ రోల్స్ కి పడిపోయింది. సుబ్రమణ్యం ఫర్ సేల్ మూవీలో హీరోయిన్ సీతకు చెల్లెలిగా కనీసం నాలుగు డైలాగ్స్ ఉండే రోల్ అయిన చేసిన తేజస్వి.. తర్వాత మరింత చిన్న రోల్స్ కి పరిమితం కావాల్సి వచ్చింది. మహేష్ బాబు కోసం శ్రీమంతుడులో రెండు సీన్స్ లో కనిపించే రోల్ చేసిందని సరిపెట్టుకున్నా.. ఇప్పుడు మరీ దారుణమైన పాత్రలో కనిపించింది.

రీసెంట్ గా విడుదలైన సునీల్ మూవీ కృష్ణాష్టమిలో అయితే.. పెళ్లి కూతురిగా కనీసం ఒక డైలాగ్ కూడా రోల్ చేసింది. ఇప్పుడు తేజస్వి ఎంపిక చేసుకుంటున్న రోల్స్ చూస్తుంటే.. ప్రస్తుతం ఆమె కెరీర్ ఎంత స్లంప్ లో ఉందో అర్దమవుతుంది. ఇలాంటి రోల్స్ చేస్తే.. అసలు తను హీరోయిన్ అనే మాట కూడా మర్చిపోవాల్సి వస్తుందేమో.!