తెలుగ‌మ్మాయ్ బీచ్ ఫెస్టివ‌ల్

నిన్న‌మొన్న‌టి వ‌ర‌కూ బిగ్‌బాస్ రియాలిటీ షోలో తేజ‌స్వి మ‌దివాడ సంద‌డి అంతా ఇంతా కాదు. అసలు త‌న‌కు ఎవ‌రూ లేర‌ని, తానొక అనాధ అని, అందుకే ప‌దిమందితో రిలేష‌న్‌షిప్ కోసం ప‌రిత‌పిస్తుంటుంద‌ని ఓ క‌ఠోర స‌త్యాన్ని తెలుగు ప్రేక్ష‌కుల‌కు ఆవిష్క‌రించింది ఈ షోలోనే. నాన్న ఉన్నా ప‌ట్టించుకోలేదు. అన్న ఉన్నా స్వార్థ‌ప‌రుడు! త‌న ప‌నిలో తానుంటాడు.. ! అందుకే వాళ్ల‌తో సంబంధం క‌ట్ అయ్యింద‌ని తేజ‌స్వి చెప్పింది. ఇప్పుడు మ‌ళ్లీ వాళ్ల‌ను క‌లుపుకున్న మాట‌ను వెల్ల‌డించింది. బిగ్‌బాస్‌కి ముందు, బిగ్‌బాస్‌కి త‌ర్వాత‌! అన్న చందంగానే యంగ్ బ్యూటీ తేజ‌స్విని యువ‌జ‌నం చూస్తున్నారు.

ఇంత‌కుముందు తేజ‌స్వి అంద‌చందాలు, యాక్టివ్ నేచుర్ చూసి `ఐస్‌క్రీమ్ బ్యూటీ బాబోయ్‌` అంటూ బోయ్స్ కాస్త కొంటెగా మారిపోయేవారు కానీ, ఇప్పుడు మాత్రం త‌న ఇంట‌ర్‌ప‌ర్స‌న‌ల్ క్వాలిటీని చూసి పూర్తిగా ఫ్యాన్స్ అయిపోయారు. తేజ‌స్విని ప్ర‌త్యేక‌త ఉన్న న‌టిగా చూస్తున్నారు. ఇంత‌కీ బిగ్‌బాస్ షో తేజ‌స్వికి క‌లిసి రానుందా.. రాదా? అన్న‌ది అటుంచితే దీనివ‌ల్ల బుల్లితెర వీక్ష‌కుల్లో ప్ర‌త్యేకించి తేజ‌స్విపై ఓ సాఫ్ట్ కార్న‌ర్ అనేది ఏర్ప‌డింద‌న్న‌ది వాస్త‌వం.

ఈ రియాలిటీ షో నుంచి బ‌య‌ట‌కు వ‌చ్చేశాక తేజ‌స్వి ఏం చేస్తోంది? అంటే ఇదిగో ఓ ప్రూఫ్‌ని అందించింది. అసలు లైఫ్ ఉన్న‌ది ఎందుకు? జాలీగా ఎంజాయ్ చేసేందుకే! అన్న‌తీరుగా ఇదిగో ఇలా బికినీ బీచ్‌లో ఫ్రెండ్స్‌తో క‌లిసి ఎంజాయ్ చేస్తోంది. పొట్టి నిక్క‌రులో బీచ్‌లో ప‌రుగులు పెడుతోంది. అడుగుప‌డిన చోట ఇసుక జారిపోతోంది. దాంతోపాటే కుర్ర‌కారు గుండె గ‌ల్లంతైపోతోంది. చెలిక‌త్తెల‌తో తెలుగ‌మ్మాయ్ ఆటాపాటా ఆక‌ట్టుకుంటోంది. ఎస్ఎస్ఎస్‌జే అనే సినిమాలో న‌టిస్తూనే వెబ్ సిరీస్‌ల‌కు సంత‌కాలు చేస్తోంది ఈ భామ‌.