ఫొటోటాక్ : ఈ ఒక్క ఫొటోతో పుకార్లన్నింటికి చెక్‌

తెలుగమ్మాయి తేజస్వి మడివాడ నటిగా మంచి గుర్తింపు దక్కించుకుని బిగ్ బాస్ లో కూడా సందడి చేసింది. తెలుగు ప్రేక్షకులకు సుపరిచితురాలిగా మారి బుల్లి తెర మరియు వెండి తెరతో పాటు ఓటీటీ ద్వారా కూడా ఎంటర్‌ టైన్ మెంట్‌ ను అందిస్తుంది. హీరోయిన్ గా కూడా సినిమాల్లో నటిస్తున్న ఈ బిగ్ బాస్ ముద్దుగుమ్మ నెట్టింట రెగ్యులర్‌ గా హాట్ ఫొటో షూట్స్ ను షేర్‌ చేస్తూనే ఉంది. తాజాగా ఈ అమ్మడు షేర్‌ చేసిన ఫొటో షూట్ సోషల్ మీడియాలో వైరల్‌ అయ్యింది. తెల్లటి డ్రస్ లో నడుము అందాలను చూపిస్తూ ఎల్లోర శిల్పం మాదిరిగా నిల్చున్న తేజస్వి చాలా అందంగా ఉందంటూ కామెంట్స్ వచ్చాయి. ఇదే సమయంలో ఆమె గురించి ఉన్న పుకార్లు అన్నింటికి కూడా ఈ పొటోలు చెక్ పెట్టినట్లయ్యింది.

ఇటీవల ఈమె అనారోగ్య సమస్యలతో బాధపడుతున్నట్లుగా పుకార్లు షికార్లు చేశాయి. ఒక స్టార్ హీరోయిన్ ఈమెకు ఆర్థికంగా సాయం చేస్తే ఆసుపత్రిలో ట్రీట్‌మెంట్‌ తీసుకున్నట్లుగా కూడా ప్రచారం జరిగింది. ఆ వార్తలు ఎంత వరకు నిజం అనుకుంటున్న సమయంలో అనూహ్యంగా తేజస్వి ఇలా హాట్ ఫొటో షూట్ తో ప్రేక్షకుల ముందుకు రావడంతో ఆమె సన్నిహితులు మరియు అభిమానులకు ఊరట దక్కింది. సోషల్‌ మీడియాలో ఈమె షేర్‌ చేసిన ఈ ఫొటోలు మాత్రమే కాకుండా అంతకు ముందు షేర్ చేసిన ఫొటోలు కూడా ఆమె చాలా నార్మల్ గా ఉందని.. ఎలాంటి అనారోగ్య సమస్యలు ఆమెకు లేవు అన్నట్లుగా చెప్పకనే చెబుతున్నాయని కొందరు అభిప్రాయం వ్యక్తం చేస్తున్నారు.

సోషల్‌ మీడియాలో గత కొన్ని రోజులుగా జరుగుతున్న ప్రచారం కేవలం పుకార్లు మాత్రమే అని.. ఆ పుకార్లు శృతి మించి ఆమె విషయంలో ఇబ్బందిని కలిగించకుండానే ఆపేస్తే బెటర్ అంటూ కొందరు సోషల్‌ మీడియా ద్వారా అభిప్రాయం వ్యక్తం చేస్తున్నారు. తేజస్వి మడివాడ యక్షిణి అనే ఒక ఇంట్రెస్టింగ్ ప్రాజెక్ట్‌ తో రాబోతుంది. అందుకు సంబంధించిన ప్రమోషన్‌ కార్యక్రమాలను కూడా ఆమె చేస్తూ వస్తోంది. మొత్తానికి తేజస్వి తన ఫొటోలతో మీడియాలో ఉన్న పుకార్లకు చెక్‌ పెట్టింది. అంతే కాకుండా ఈ ఫొటోలతో ఆమె తన అందంను మరోసారి నెటిజన్స్ కు చూపించింది. హీరోయిన్ మెటీరియల్‌ అన్నట్లుగా కొందరు నెటిజన్స్ ఈమె ఫొటోలకు కామెంట్స్ చేస్తున్నారు. మేకర్స్ మంచి అవకాశాలు ఇస్తే తప్పకుండా హీరోయిన్ గా ఈమె ప్రూవ్‌ చేసుకుంటుందనే నమ్మకం ఉందంటున్నారు.