#MEETOOతో అగ్గి రాజేస్తున్న హాటీ

మీటూ ఉద్యమం ప్ర‌పంచ‌ వ్యాప్తంగా ఎంత‌టి సంచ‌ల‌న సృష్టించిందో తెలిసిందే. మ‌హిళ‌ల‌పై జ‌రుగుతున్న లైంగిక దాడుల నేప‌థ్యంలో #MEETOO అంటూ బాధితులంతా తెర‌పైకి వ‌చ్చారు. లైంగిక దాడుల‌ను అరిక‌ట్టాలంటూ ప్ర‌భుత్వానికి విన్న‌వించారు. దీనిపై కేంద్ర ప్ర‌భత్వ క‌మిటీ వేసి విచార‌ణ చేప‌డుతోంది. తాజాగా ఈ అంశాన్ని ఓ ద‌ర్శ‌కుడు క‌థా వ‌స్తువుగా ఎంచుకుని వెబ్ సిరీస్ రూపంలో ప్రేక్ష‌కుల ముందుకు తీసురాబోతున్నాడు. ఆ వెబ్ సిరీస్ లో హాట్ బ్యూటీ తేజ‌స్వి మ‌దివాడ న‌టిస్తోంది. తేజ‌స్వికి ఇది చ‌క్క‌ని అవ‌కాశం. న‌టిగా రాణించాల‌ని కొన్నేళ్ల‌గా గ‌ట్టి ప్ర‌య‌త్నాలు చేస్తున్న త‌న‌కు నిరూపించుకునే ఛాన్స్ ద‌క్కింద‌ని ఫ్యాన్స్ భావిస్తున్నారు.

రాంగోపాల్ వ‌ర్మ ఐస్ క్రీమ్ చిత్రంలో అర్థ‌న‌గ్నంగా న‌టించి సంచ‌ల‌నం సృష్టించినా! ఎప్ప‌టిక‌ప్పుడు సోష‌ల్ మీడియాలో హాట్ హాట్ ఫోటోల‌ను షేర్ చేసినా ప్ర‌యోజ‌నం లేదు. చిన్న చిన్న సైడ్ క్యారెక్ట‌ర్లు త‌ప్ప‌! న‌టిగా చెప్పుకోద‌గ్గ ఛాన్స్ ఇప్ప‌టివ‌ర‌కూ రాలేదు. ఈ నేప‌థ్యంలో మీటూ నేప‌థ్యంలో సాగే వెబ్ సిరీస్ లో మెయిన్ లీడ్ కు ఎంపిక‌వ్వ‌డం హాట్ టాపిక్ గా మారింది. ఈ వెబ్ సిరీస్ కు హైద‌రాబాద్ న‌వాబ్స్ ఫేమ్ ల‌క్ష్మీ కాంత్ చెన్నా ద‌ర్శ‌క‌త్వం వ‌హిస్తున్నారు. ఇందులో తేజ‌స్వి మ‌రింత హాట్ గా క‌నిపించ‌నుందిట‌.

బాలీవుడ్ వెబ్ సిరీస్ మాదిరి శృంగార స‌న్నివేశాల్లో రెచ్చిపోనుంద‌ని తెలుస్తోంది. మీటూ నేప‌థ్యం కాబ‌ట్టి సినీప‌రిశ్ర‌మ‌ స‌హా ఇత‌ర రంగాల్లో అవ‌కాశాల పేరుతో కామాంధులు మ‌హిళ‌ల‌ను ఎలా లోబ‌రుచుకున్నారు? ప్ర‌తిఘ‌టించే ప్ర‌య‌త్నంలో ఎలాంటి ఒత్తిళ్లు ఎదుర్కొన్నారు? లాంటి బోల్డ్ స్టోరీ.. కంటెంట్ తో ఈ వెబ్ సిరీస్ రూపొంద‌నుంది. ఈ దెబ్బ‌కు తేజ‌స్వికి మంచి పేరొస్తుంద‌ని కాన్ఫిడెన్స్ గా ఫీల‌వుతోంద‌ట‌. తెలుగు- హిందీ భాష‌ల్లో తెర‌కెక్క‌నున్న ఈ వెబ్ సిరీస్ షూటింగ్ త్వ‌ర‌లో ప్రారంభం కానుంది.