ఐస్‌క్రీమ్‌ పిల్ల.. ఈ సూసైడ్‌ ఏంటో...

ఐస్‌ క్రీమ్‌ చిత్రంతో కథానాయిక అయ్యింది తేజస్విని మదివాడ. రామ్‌ గోపాల్‌ వర్మ పుణ్యమా అని ఈ తెలుగమ్మాయిని అనుకోని అదృష్టం వరించింది. అయితే అంతకంటే ముందే ఈ ఐస్‌ క్రీమ్‌ పాప డ్యాన్సర్‌ గా సినిమాకి పరిచయం. చాలా సినిమాల్లో డ్యాన్సింగ్‌ బేబిగా పాపులర్‌ అయ్యింది. అప్పుడప్పుడు చిన్నా చితకా క్యారెక్టర్లు చేసుకుంటూ హీరోయిన్‌ అయిపోయింది. ఒక్క ఐస్‌క్రీమ్‌ జీవితాన్నే మార్చేసింది అన్నట్టు.. వర్మ చేసిన ప్రచారం వల్ల తేజస్వి బిజీ స్టార్‌ అయిపోయింది.

నిత్యం అరడజను ప్రాజెక్టు లతో బిజీగా ఉంటోందిప్పుడు. లవర్‌ గాళ్‌, ఫన్నీగాళ్‌, ఫ్రెండు, గెస్టు ఇలా అన్నిరకాలుగానూ నటించేస్తోంది. ఓ వైపు పూర్తి స్థాయి నాయికగా నటిస్తూనే వచ్చిన ఏ అవకాశాన్ని వదిలిపెట్టడం లేదు. ఇటీవలే దిల్‌రాజు-సాయికిరణ్‌ అడివి కాంబినేషన్‌ సినిమాలో కాలేజ్‌ అమ్మాయిగా నటించి మెప్పించింది. ఇప్పుడు నాగశౌర్య హీరోగా నటిస్తున్న ఓ చిత్రంలో అతిధి పాత్రలో తళుక్కుమంటోంది. ఈ సినిమాలో తన పాత్ర చిన్నదే అయినా ప్రత్యేకంగా ఉంటుందని తేజస్వి చెబుతోంది. నేను సూసైడ్‌ చేసుకునే అమ్మాయిగా కనిపిస్తా. కెరీర్‌ లోనే ఎగ్జయిటింగ్‌ రోల్‌.. అంటూ మురిసిపోయింది. ఈవిడ సూసైడ్‌ చూసి థియేటర్ల లో బోయ్స్‌ ఎటంప్ట్‌ చేయాలనుకుంటే? బాపురే!