మధుప్రియ బిస్కెట్ భలే టేస్టీ

సింగర్ మధుప్రియకు టాలెంట్ ఏంటో కొన్నేళ్ల క్రితమే తెలుగు ప్రజలకు తెలుసు. అప్పట్లో ఉద్యమ గీతాలతో పాటు.. ఆడపిల్లా వంటి పాటలతో అందరి మనసులు గెలుచుకుంది. ఆ తర్వాత ప్రేమ పెళ్లి విషయంలో కొంత హంగామా జరిగినా.. చివరకు ప్రేమకథను సుఖాంతం చేసుకుంది.

ఇప్పుడు సింగర్ సడన్ గా లైమ్ లైట్ లోకి వచ్చేసింది. మెగా హీరో వరుణ్ తేజ్ తో శేఖర్ కమ్ముల తీస్తున్న ఫిదా మూవీలో అద్భుతమైన పాటతో మళ్లీ హాట్ టాపిక్ అయింది మధుప్రియ. 'వచ్చిండే.. మెల్ల మెల్లగ వచ్చిండే.. క్రీమ్ బిస్కెట్ ఏసిండే' అనే పాటను సూపర్బ్ గా పాడేసింది మధుప్రియ. ఫిదా చిత్రంలో హీరోయిన్ సాయిపల్లవి.. పవన్ కళ్యాణ్ వీరాభిమాని అయిన తెలంగాణ అమ్మాయిగా నటిస్తోంది. ఇప్పుడు ఫిదా ఆల్బంలో తొలి పాటగా.. ఈ సాంగ్ ను రిలీజ్ చేశారు.

సినిమాలో తెలంగాణ అమ్మాయి పాత్ర కావడంతో.. మధుప్రియతో పాడించే ఆలోచన చేసిన దర్శకుడు శేఖర్ కమ్ముల ఐడియా సూపర్ గా క్లిక్ అయిందని చెప్పాలి. శ్రీకాంత్ కార్తీక్ అనే కొత్త కంపోజర్ అందించిన ట్యూన్.. అశోక్ తేజ రాసి పాట.. మధుప్రియ స్వర మాధుర్యం.. మొత్తంగా ఓ మాంచి సాంగ్ ను జనాలకు అందించేశారు. పూర్తిగా తెలంగాణ మాండలికం పదాలతో ఉన్న ఈ పాట.. అద్భుతంగా కుదిరిందంటున్నారు మ్యూజిక్ లవర్స్.

Like Us on Facebook : https://www.facebook.com/Tupakidotcom/