టాప్ స్టోరి: క్రేజీ చిత్రాలన్నీ ఓటీటీకి క్యూ క‌ట్టాయా?

దేశ వ్యాప్తంగా అన్ లాక్ ప్ర‌క్రియ మొద‌లైనా థియేట‌ర్లు తెరుచుకునే ప‌రిస్థితులు క‌నిపించ‌క‌పోవ‌డంతో క్రేజీ చిత్రాల‌న్నీ ఓటీటీ బాట ‌ప‌డుతున్నాయి. ఇప్ప‌టికే బాలీవుడ్ .. కోలీవుడ్ ‌కు సంబంధించిన క్రేజీ చిత్రాల‌న్నీ ఓటీటీల్లో రిలీజ్ అవుతున్న విష‌యం తెలిసిందే. టాలీవుడ్ లో ఈ తంతు నేచుర‌ల్ స్టార్ నాని.. యంగ్ హీరో సుధీర్ ‌బాబు న‌టించిన `వి` సినిమాతో మొద‌లైంది.

నాని.. సుధీర్ ‌బాబు న‌టించిన `వి` చిత్రం సెప్టెంబ‌ర్ 5న వ‌ర‌ల్డ్ వైడ్ ‌గా 200 థియేట‌ర్ల‌లో విడుద‌ల కాబోతోంది. ఓటీటీలో డైరెక్ట్ గా విడుద‌ల‌వుతున్న తొలి తెలుగు సినిమా ఇదే కావ‌డంతో ఈ సినిమా ఫ‌లితంపైనా తొలి రోజు వ్యూస్ పైనా స‌ర్వ‌త్రా చ‌ర్చ ‌న‌డుస్తోంది. ఈ మూవీ త‌రువాత తెలుగు సినిమాలు వ‌రుస‌గా ఓటీటీకి క్యూ క‌ట్ట‌డానికి సిద్ధంగా వున్నాయి. సాయి ధ‌ర‌మ్‌తేజ్ న‌టిస్తున్న‌ `సోలో బ్ర‌తుకే సోబెట‌ర్‌`.. ఎన‌ర్జిటిక్ హీరో రామ్ నటిస్తున్న `రెడ్‌`.. అనుష్క న‌టించిన స‌స్పెన్స్ థ్రిల్ల‌ర్ `నిశ్శ‌బ్దం`... క్యారెక్ట‌ర్ ఆర్టిస్ట్ సుహాస్ హీరోగా ప‌రిచ‌యం అవుతున్న `క‌ల‌ర్ ఫొటో` రిలీజ్‌కి రెడీ అయిపోతున్నాయి.

సాయి ‌తేజ్ న‌టిస్తున్న‌ `సోలో బ్ర‌తుకే సో బెట‌ర్‌` జీ5లో రిలీజ్‌కి రెడీ అవుతోంది. అక్టోబ‌ర్ ‌లో రిలీజ్ అయ్యే అవ‌కాశాలు క‌నిపిస్తున్నాయి. ఎన‌ర్జిటిక్ హీరో రామ్ నటిస్తున్న థ్రిల్ల‌ర్ ఎంట‌ర్‌టైన‌ర్‌ `రెడ్‌` డిస్నీ హాట్ స్టార్ ‌లో రిలీజ్ అవుతోంది. అనుష్క న‌టించిన స‌స్పెన్స్ థ్రిల్ల‌ర్ `నిశ్శ‌బ్దం` నెట్ ‌ఫ్లిక్స్ ‌లో రాబోతోంది. ఇక సుహాస్ న‌టిస్తున్న `క‌ల‌ర్ ఫోటో` డిజిట‌ల్ స్ట్రీమింగ్ యాప్ `ఆహా`లో రిలీజ్‌కి సిద్ధ‌మ‌వుతోంది. అయితే ర‌వితేజ `క్రాక్‌` మాత్రం ఓటీటీకి రావ‌డం లేదు. లేట్ అయినా లేటెస్ట్‌గా థియేట‌ర్ ‌కే అంటున్నారు మేక‌ర్స్‌.