సంక్రాంతి బరిలో నాలుగు పుంజులు

ఫైనల్ గా సునీల్ సినిమా రిలీజ్ తో టాలీవుడ్ 2017 ను సక్సెస్ ఫుల్ గా ముగించేసుకుంది. ఈ మధ్య కాలంలో చిన్న సినిమాలు బాగా హడావుడి చేసిన సంగతి తెలిసిందే. థియేటర్స్ దొరకలేని పరిస్థితుల్లో ఉన్నా కూడా ప్రమోషన్స్ మాత్రం ఓ రేంజ్ లో చేశారు. మొత్తానికి అటక మీద ఉన్న సినిమాలను కిందకు తీసి మరి రిలీజ్ చేశారు. ఇక అసలు విషయానికి వస్తే అసలైన సినీ పండుగ మరో పదిహేను రోజుల్లో రాబోతోంది.

ప్రతి ఏడాది సంక్రాంతికి టాలీవుడ్ లో సినిమాలు ఎక్కువగా రిలీజ్ అవుతోన్న సంగతి తెలిసిందే. అయితే ఈ సంక్రాంతికి మొదట చాలామంది స్టార్ హీరోలు వద్దామని అనుకున్నారు. కానీ పవర్ స్టార్ సినిమా రిలీజ్ అవుతుండడంతో కొంతమంది డ్రాప్ అయ్యారు. జనవరి 10న రిలీజ్ కాబోయే అజ్ఞాతవాసి సినిమాపై ఇప్పుడు భారీ అంచనాలు ఉన్నాయి. ఇక న్యూ ఇయర్ సందర్బంగా సినిమా స్థాయి పెరిగేలా ఉంది. ఎందుకంటే పవన్ పాడిన పాట ఆరోజే రిలీజ్ అవుతోంది.

ఇక బాలయ్య విషయానికి వస్తే కాస్త ఆలస్యంగానే ప్రమోషన్స్ ని స్టార్ట్ చేసినా కూడా జై సింహ టీజర్ తో అభిమానులకు ఊపును ఇచ్చాడు. ఎక్కువగా మాస్ ప్రేక్షకులను ఆకట్టుకోవాలని చూస్తున్నాడు. ఇక ఆడియో వేడుకను చేసి కొంచెం హడావుడిని ఎక్కువగానే పెంచాడు. ఈ సినిమా జనవరి 12న రిలీజ్ కానుంది. ఇక పవన్ - బాలయ్య తో పోటీ పడటానికి సూర్యా కూడా గ్యాంగ్ అనే సినిమాతో కూడా 12న రాబోతున్నాడు. యూవీ క్రియేషన్స్ ఆ సినిమాను రిలీజ్ చేస్తోంది. అయితే ఆ సినిమా ట్రైలర్ తప్పితే ఎంతవరకు ఎలాంటి హైప్ ని క్రియేట్ చేసుకోలేదు.

ఫైనల్ గా రాజ్ తరుణ్ ఈ స్టార్ హీరోల మధ్యన రాజుగాడు అనే సినిమాతో రాబోతున్నాడు. రిలీజ్ డేట్ అయితే చెప్పారు గాని. ఇంకా సినిమా గురించి ఎటువంటి అప్డేట్ లేదు. మరి సంక్రాంతికి ప్రమోషన్స్ ఉన్నా లేకపోయినా కలెక్షన్స్ వస్తాయి అనుకుంటున్నారో.. ఏంటో మరి.

ఏదేమైనా కూడా.. ప్రస్తుతానికి మాత్రం సంక్రాంతి బరిలో నాలుగు పుంజులు ఉన్నాయని మనం చెప్పుకోవచ్చు.