ఈ వారం బాక్సాఫీస్ డల్లే

బాహుబలి 2 విడుదలయిన దగ్గర నుంచి వీకెండ్ వస్తే చాలు.. థియేటర్లు కళకళలాడిపోయాయి. ఆ తర్వాత కూడా రారండోయ్ వేడుక చూద్దాం వంటి హిట్ సినిమా పడ్డంతో.. ఆ ట్రెండ్ కంటిన్యూ అయింది. ఆ తర్వాత ఇంకా నెమ్మదించగా.. ఈ వారాంతం అయితే మరీ డల్లుగా సాగిందని చెప్పాలి.

గత శుక్రవారం రిలీజ్ అయిన ఇంద్రగంటి మోహన్ కృష్ణ మూవీ అమీతుమీకి.. మల్టీప్లెక్సుల్లో వసూళ్లు బాగానే వచ్చాయి. దర్శకుడి ప్రతిభతో పాటు వెన్నెలకిషోర్ కామెడీని కూడా జనాలు బాగానే ఎంజాయ్ చేశారు కానీ.. సింగిల్ స్క్రీన్స్ లో మాత్రం అంతగా కలెక్షన్స్ రాలేదు. ఇక గోపీచంద్ మూవీ ఆరడుగుల బుల్లెట్ ఆబ్సెంట్ కావడం.. రాజ్ తరుణ్ అందగాడికి బాగానే కలిసొచ్చింది. స్క్రీన్స్ కౌంట్ నిలబెట్టుకోవడంతో.. చెప్పుకోదగ్గ కలెక్షన్స్ వచ్చాయి. రా రండోయ్ వేడుక చూద్దాం కూడా వీకెండ్ వరకూ మంచి వసూళ్లనే రాబట్ట గలిగింది. యూఎస్ మినహా అన్ని ఏరియాల్లోనూ ఇప్పటికే బయ్యర్లకు లాభాలు అందించిన చిత్రంగా నిలుస్తోంది.

ఏడో వారాంతంలో కూడా బాహుబలి ది బిగినింగ్ ఇంకా 300లకు పైగా స్క్రీన్లలో ప్రదర్శితం కావడం విశేషంగా చెప్పాలి. దువ్వాడ జగన్నాధం వచ్చేవరకూ బాహుబలి2కి ఢోకా ఉండదని చెప్పచ్చు. మొత్తం మీద థియేటర్ల వసూళ్లు పర్లేదనిపించినా.. థియేటర్లను నింపేసే స్థాయిలో కొత్త సినిమా ఏదీ థియేటర్లలో లేకపోవడంతో.. ఈ వారాంతంలో బాక్సాఫీస్ డల్లుగానే ఉందని చెప్పచ్చు.

Like Us on Facebook : https://www.facebook.com/Tupakidotcom/