ఇతర దర్శకులకి అభిషేకాల భయం

ఏమైనా రాంగోపాల్ వర్మ ఎప్పుడూ ట్రెండ్ సెట్టర్ అంతే. కొత్త టెక్నాలజీతో వైవిధ్యభరితమైన చిత్రాలు అందించినా.. ఎవరికీ అంతు చిక్కకుండా సినిమాలు తీసినా.. చిత్ర విచిత్రమైన ఐడియాలను సినిమాలుగా మలిచినా.. అన్నీ వర్మకే చెల్లుతాయి. ఇప్పుడు ఆఫీసర్ లాంటి డిజాస్టర్ ఇవ్వగలగడం.. మరే దర్శకుడికీ సాధ్యం కాదంటే.. అది కూడా ఒక చరిత్రే కదా.

రీసెంట్ గా ఆఫీసర్ లాంటి సినిమా ఇచ్చినందుకు గాను.. నాగార్జున ఫ్యాన్స్ వర్మకు పాలతో అభిషేకాలు చేశారు. ఇందుకు సంబంధించిన పిక్స్ సోషల్ మీడియాలో వైరల్ అయ్యాయి కూడా. ఈయనకు క్షీరాభిషేకం చేసినది పక్కాగా ఆఫీసర్ కు సంబంధించి మాత్రమే. ఎందుకంటే.. ఇలాంటి దారుణమైన సినిమా ఇవ్వబట్టే.. అఖిల్ తో సినిమా అనే పాయింట్ పక్కకు వెళ్లిపోయింది. అయితే.. ఇప్పుడు ఈ సంఘటన ఇతర దర్శకులకు మేలుకొలుపు మాత్రమే కాదు.. ఓ హెచ్చరిక కూడా అవుతోంది.

ఆయా స్టార్ హీరోలకు భీకరమైన ఫ్లాప్స్ ఇస్తే.. ఫ్యాన్స్ ఎంత క్రియేటివ్ గా తమ నిరసన వ్యక్తం చేయగలరనే విషయం ఈ సంఘటన చాటి చెప్పింది. చిన్న దర్శకులే కాదు.. త్రివిక్రమ్.. పూరీ జగన్.. సుకుమార్ లాంటి స్టార్ డైరెక్టర్లు కూడా ఇలాంటి అభిషేకాలు తమకు కూడా జరుగుతాయేమోనని వణుకుతున్నారట. తాము మేకింగ్ విషయంలో ఎంత ఎలర్ట్ గా ఉండాలనే సంగతిని చాటి చెప్పింది వర్మకు పాలాభిషేకం ఘటన.