Begin typing your search above and press return to search.
టాలీవుడ్ లో టాప్ టీఆర్పీ రేటింగ్స్ సాధించిన సినిమాలు ఇవే..!
By: Tupaki Desk | 15 April 2020 2:30 AM GMT
సినిమాకు ఒకప్పుడు థియేటర్ మాత్రమే ప్రధాన ఆదాయ వనరుగా ఉండేది. ఇప్పుడు టెక్నాలజీ పెరిగేకొద్దీ సినిమా మార్కెట్ కూడా పెరుగుతోంది. ప్రస్తుతం కేవలం థియేటర్ బిజినెస్ మాత్రమే కాక.. శాటిలైట్ రైట్స్ - డిజిటల్ రైట్స్ రూపంలో కూడా నిర్మాతలు లాభాలు అందుకుంటున్నారు. ఇంతకముందు సినిమా శాటిలైట్ రైట్స్ అంటే పెద్దగా ఎవరికి తెలిసేవి కాదు. ఏదో అమ్మామంటే అమ్మాం అన్నట్లుగా.. ఓ డిస్ట్రిబ్యూటర్‌ కి అమ్మినట్లుగా సినిమాని అమ్మేవాళ్లు. కానీ ఇప్పుడు పరిస్థితి మారిపోయింది. సినిమాల శాటిలైట్ రైట్స్ భారీ రేట్లకు అమ్మడుపోతున్నాయి. భారీ శాటిలైట్ రేట్లకు అమ్ముడుపోయిన సినిమాలు.. బుల్లితెర ప్రేక్షకులనూ కూడా భారీగానే అలరిస్తున్నాయి. బుల్లితెరపై సినిమా యొక్క ప్రభావాన్ని టీఆర్పీ రేటింగ్స్ రూపంలో నిర్ణయిస్తారు. అలా ఇప్పటి వరకు అత్యధిక టీఆర్పీ రేటింగ్స్ సాధించిన మన టాలీవుడ్ చిత్రాలు కొన్ని ఉన్నాయి.
వెండితెరపైనే కాకుండా బుల్లితెరపై కూడా టాప్ రేటింగ్ తో సరిలేరు అనిపించుకుంది సూపర్ స్టార్ నటించిన 'సరిలేరు నీకెవ్వరు'. ఈ చిత్రానికి అనిల్ రావిపూడి దర్శకత్వం వహించారు. రీసెంట్‌ గా సిల్వర్ స్క్రీన్ లో టెలికాస్ట్ అయిన ఈ చిత్రం అత్యధిక టీఆర్పీ రేటింగ్ 23.4 సాధించి ఫస్ట్ ప్లేస్ లో నిలిచింది. టాలీవుడ్ చరిత్రలోనే ఇంతటి రేటింగ్ రావడం ఇదే తొలిసారి. దీని దెబ్బకు రేటింగులలో బాహుబలి లాంటి చిత్రాలు కూడా వెనక్కి వెళ్లిపోయాయి. ఆ తర్వాత స్థానంలో దర్శకధీరుడు రాజమౌళి తెరకెక్కించిన వండర్ 'బాహుబలి 2' నిలిచింది. యంగ్ రెబెల్ స్టార్ నటించిన ఈ సినిమా 22.7 టీఆర్పీ రేటింగ్ తో రెండో ప్లేస్ లో ఉంది. ఇకపోతే మూడో స్థానంలో సూపర్ స్టార్ నటించిన బ్లాక్ బస్టర్ సినిమా 'శ్రీమంతుడు' నిలిచింది. కొరటాల శివ దర్శకత్వం వహించిన ఈ యాక్షన్ అండ్ ఫ్యామిలీ ఎంటర్టైనర్ చిత్రానికి 22.54 టీఆర్పీ రేటింగ్ వచ్చింది. ఆ తర్వాత అల్లు అర్జున్ 'డీజే దువ్వాడ జగన్నాథం' సినిమా 21.7 రేటింగ్ తో, ప్రభాస్ 'బాహుబలి' సినిమా 21.54 రేటింగులతో తర్వాత స్థానాల్లో నిలిచాయి.
శేఖర్ కమ్ముల రూపొందించిన రొమాంటిక్ ఎంటర్టైనర్ 'ఫిదా' సినిమా 21.31 టీఆర్పీ రేటింగ్ సాధించి ఆరవ స్థానం పొందింది. ఇక విజయ దేవరకొండ హీరోగా నటించిన 'గీత గోవిందం' సినిమా 20.8 టీఆర్పీ రేటింగ్ తో నెక్స్ట్ ప్లేస్ లో ఉంది. ఈ చిత్రానికి పరశురామ్ దర్శకత్వం వహించారు. ఆ తర్వాత యంగ్ టైగర్ ఎన్టీఆర్ నటించిన.. కొరటాల శివ దర్శకత్వం వహించిన 'జనతా గ్యారేజ్' సినిమా 20.69 రేటింగ్ తో బుల్లి తెరపై కూడా తన హవా కొనసాగించింది. కీర్తి సురేష్ కీలక పాత్రలో రూపొందిన సావిత్రి బయోపిక్ 'మహానటి' సినిమాకి 20.21 టీఆర్పీ రేటింగ్ వచ్చింది. నాగ్ అశ్విన్ దర్శకత్వం వహించిన ఈ సినిమాలో అక్కినేని సమంత విజయ దేవరకొండ ప్రధాన పాత్రలు పోషించారు. మెగా పవర్ స్టార్ రామ్ చరణ్ నటించిన బ్లాక్ బస్టర్ సినిమా 'రంగస్థలం' బుల్లితెరపై ప్రదర్శితమై 19.5 టీఆర్పీ రేటింగ్ పాయింట్లను సొంతం చేసుకొని పదో స్థానంలో నిలిచింది.
వెండితెరపైనే కాకుండా బుల్లితెరపై కూడా టాప్ రేటింగ్ తో సరిలేరు అనిపించుకుంది సూపర్ స్టార్ నటించిన 'సరిలేరు నీకెవ్వరు'. ఈ చిత్రానికి అనిల్ రావిపూడి దర్శకత్వం వహించారు. రీసెంట్‌ గా సిల్వర్ స్క్రీన్ లో టెలికాస్ట్ అయిన ఈ చిత్రం అత్యధిక టీఆర్పీ రేటింగ్ 23.4 సాధించి ఫస్ట్ ప్లేస్ లో నిలిచింది. టాలీవుడ్ చరిత్రలోనే ఇంతటి రేటింగ్ రావడం ఇదే తొలిసారి. దీని దెబ్బకు రేటింగులలో బాహుబలి లాంటి చిత్రాలు కూడా వెనక్కి వెళ్లిపోయాయి. ఆ తర్వాత స్థానంలో దర్శకధీరుడు రాజమౌళి తెరకెక్కించిన వండర్ 'బాహుబలి 2' నిలిచింది. యంగ్ రెబెల్ స్టార్ నటించిన ఈ సినిమా 22.7 టీఆర్పీ రేటింగ్ తో రెండో ప్లేస్ లో ఉంది. ఇకపోతే మూడో స్థానంలో సూపర్ స్టార్ నటించిన బ్లాక్ బస్టర్ సినిమా 'శ్రీమంతుడు' నిలిచింది. కొరటాల శివ దర్శకత్వం వహించిన ఈ యాక్షన్ అండ్ ఫ్యామిలీ ఎంటర్టైనర్ చిత్రానికి 22.54 టీఆర్పీ రేటింగ్ వచ్చింది. ఆ తర్వాత అల్లు అర్జున్ 'డీజే దువ్వాడ జగన్నాథం' సినిమా 21.7 రేటింగ్ తో, ప్రభాస్ 'బాహుబలి' సినిమా 21.54 రేటింగులతో తర్వాత స్థానాల్లో నిలిచాయి.
శేఖర్ కమ్ముల రూపొందించిన రొమాంటిక్ ఎంటర్టైనర్ 'ఫిదా' సినిమా 21.31 టీఆర్పీ రేటింగ్ సాధించి ఆరవ స్థానం పొందింది. ఇక విజయ దేవరకొండ హీరోగా నటించిన 'గీత గోవిందం' సినిమా 20.8 టీఆర్పీ రేటింగ్ తో నెక్స్ట్ ప్లేస్ లో ఉంది. ఈ చిత్రానికి పరశురామ్ దర్శకత్వం వహించారు. ఆ తర్వాత యంగ్ టైగర్ ఎన్టీఆర్ నటించిన.. కొరటాల శివ దర్శకత్వం వహించిన 'జనతా గ్యారేజ్' సినిమా 20.69 రేటింగ్ తో బుల్లి తెరపై కూడా తన హవా కొనసాగించింది. కీర్తి సురేష్ కీలక పాత్రలో రూపొందిన సావిత్రి బయోపిక్ 'మహానటి' సినిమాకి 20.21 టీఆర్పీ రేటింగ్ వచ్చింది. నాగ్ అశ్విన్ దర్శకత్వం వహించిన ఈ సినిమాలో అక్కినేని సమంత విజయ దేవరకొండ ప్రధాన పాత్రలు పోషించారు. మెగా పవర్ స్టార్ రామ్ చరణ్ నటించిన బ్లాక్ బస్టర్ సినిమా 'రంగస్థలం' బుల్లితెరపై ప్రదర్శితమై 19.5 టీఆర్పీ రేటింగ్ పాయింట్లను సొంతం చేసుకొని పదో స్థానంలో నిలిచింది.
