మార్చ్ కోసం క్యూ కట్టేస్తున్నాయ్!!

టాలీవుడ్ లో రిలీజ్ కాకుండా కొన్ని నెలలుగా పెండింగ్ లో ఉండిపోయిన సినిమాలు చాలానే ఉన్నాయి. ఇప్పుడు ఆ సినిమాలన్నీ విడుదలయ్యేందుకు సిద్ధమైపోతున్నాయ్. ఇప్పటికే ఫిబ్రవరిలో డైరీ ఫుల్ అయిపోవడంతో.. మార్చ్ మొదటి వారాన్ని టార్గెట్ చేశాయి చాలా సినిమాలు.

పెళ్లి చూపులు హీరో విజయ్ దేవరకొండ నటించిన మూవీ ద్వారక. ఈ చిత్రం మూడు నాలుగు నెలలకు ముందే సిద్ధమైనా.. సరైన రిలీజ్ డేట్ దొరకలేదని.. కాంపిటీషన్ ఉందని.. డీమానిటైజేషన్ అని రకరకాల కారణాలతో వాయిదా వేసుకుంటూ వస్తున్నారు. ఈవే రీజన్స్ తో చాలానే సినిమాలు షూటింగ్ పూర్తి చేసుకుని ల్యాబ్స్ లో మూలుగుతున్నాయి. ఇప్పుడు ద్వారకను మార్చ్ 3న రిలీజ్ చేయడానికి నిర్ణయించారు నిర్మాతలు.

ఇదే రోజుకి తెలుగు బ్యూటీ అంజలి నటించిన హారర్ మూవీ చిత్రాంగద కూడా రిలీజ్ కానుంది. ఈ సినిమా ఏడాది నుంచి వాయిదా పడుతోందిలే. మంచు మనోజ్ నటించిన గుంటూరోడును కూడా మార్చ్ 3కే షెడ్యూల్ చేశారు. ఈ సినిమాకి ఎక్కువ థియేటర్లే దొరికే ఛాన్సులు ఉన్నాయని టాక్. కిట్టు ఉన్నాడు జాగ్రత్త అంటూ రాజ్ తరుణ్ కూడా అదే రోజున చక్కిలిగింతలు పెట్టబోతున్నాడు.

తమిళ్ డబ్బింగ్ మూవీ మెట్రో కూడా మార్చ్ 3నే ప్రేక్షకుల ముందుకు రానుంది. మార్చ్ చివరలో పవన్ కళ్యాణ్ కాటమరాయుడు రిలీజ్ కానున్న సంగతి తెలిసిందే. అక్కడి నుంచి భారీ చిత్రాలన్నీ సమ్మర్ కి క్యూ కట్టేశాయి. అందుకే చిన్న సినిమాలన్నీ ఇప్పుడు మార్చ్ మొదటి భాగాన్నే టార్గెట్ చేశాయి.

Like Us on Facebook : https://www.facebook.com/Tupakidotcom/