నవంబర్ 4న అంత స్పెషాలిటీ ఏంటి?

దీపావళి పండుగ వెళ్లిపోయింది. తమిళ్ డబ్బింగ్ సినిమాలు రెండు వచ్చి సత్తా చాటడం తప్ప పెద్దగా రిలీజ్ లు కూడా లేవు. మిస్టర్ 420 అంటూ వరుణ్ సందేశ్ సినిమా రిలీజ్ అయిన సంగతి కూడా చాలామందికి తెలియలేదు. అయితే.. ఈ శుక్రవారం అంటే నవంబర్ 4ను మాత్రం డజన్ సినిమాలు రిలీజ్ కి క్యూ కట్టేశాయి. దాదాపు అన్నీ చిన్న సినిమాలే అయినా.. 8 స్ట్రెయిట్ మూవీస్.. 4 డబ్బింగ్ చిత్రాలు ఒకే రోజున విడుదల కావడం అంటే చిన్న విషయం కాదు.

ఆవు పులి మధ్యలో ప్రభాస్ పెళ్లి.. అకీరా.. ఈ చరిత్ర ఇంకెన్నాళ్లు?.. లవర్ బోయ్.. మనలో ఒకడు.. మనసంతా నువ్వే.. నరుడా డోనురుడా.. జిందగీ అంటూ 8 తెలుగు స్ట్రైట్ సినిమాలు విడుదలవుతుండగా.. వీటిలో సుమంత్ నటించిన నరుడా డోనరుడాపై ఇప్పటికే బజ్ క్రియేట్ అయింది. మరోవైపు ఆర్పీ పట్నాయక్ మూవీ మనలో ఒకడు చిత్రంపై కూడా అంచనాలు బాగానే ఉన్నాయి. ఇవి కాకుండా.. బలపం పట్టి భామ ఒడిలో.. ఇద్దరూ ఇద్దరే.. పిల్ల రాక్షసి.. రంగం2 చిత్రాలను కూడా నవంబర్ 4నే విడుదల చేయబోతున్నారు.

బిచ్చగాడు నిర్మాతలు అందిస్తున్న పిల్లరాక్షసి పై ఎక్స్ పెక్టేషన్స్ ఉండగా.. రంగం2 అంటూ వస్తున్న మూవీకి టైటిల్ ద్వారా ప్రయోజనం లభించచ్చు. ఇన్నేసి సినిమాలు ఒకే రోజున వచ్చి టాలీవుడ్ లో చాలా కాలం అయింది కాబట్టి.. నవంబర్ 4ను సంథింగ్ స్పెషల్ కింద పరిగణించాల్సిందే.

Like Us on Facebook : https://www.facebook.com/Tupakidotcom/