తెలుగు స్టార్ దుబాయ్‌ లో అవమానం

ప్రస్తుతం ఆ హీరో టాలీవుడ్ లో ఓ టాప్ స్టార్. చాలా మంది సహనటులతో పాటు, ఈ స్టార్ హీరోను ఓ ఈవెంట్ కి చీఫ్ గెస్ట్ గా దుబాయ్ ఆహ్వానించారు. ఇంకా చెప్పాలంటే ఈయన పేరు చెప్పుకునే ఆ ఈవెంట్ నిర్వాహకులు టికెట్లు అమ్మేసుకున్నారు. అయితే.. దుబాయ్ లో దిగీ దిగగానే షాక్ ఇచ్చారు నిర్వహకులు.

ఓ సాధారణ 4స్టార్ హోటల్ లో ఆతిథ్యం కల్పించడంతో.. పక్కనున్న వాళ్లంతా ఆశ్చర్యపోయారు. అంతే కాదు.. ఆయనతో పాటు వచ్చినవాళ్లందరికీ కలిపి ఈ అకాడమేషన్ ఏర్పాట్లు జరిగాయి. అలాగే ఆ ఈవెంట్ కు హాజరైన ఇతర సెలబ్రిటీలు - సాంకేతిక నిపుణులకు కూడా సాధారణ సర్వీస్ అపార్ట్ మెంట్లలో ఆతిథ్యం కల్పించారు. ఆ స్టార్ హీరోకు కనీసం అరాకొరా ట్రావెలింగ్ ఏర్పాట్లు చేశారు కానీ.. మిగిలిన వాళ్లను గాలికి వదిలేయడంతో.. క్యాబ్ లు మాట్లాడుకుని దేవుడా అంటూ ఈవెంట్ కు హాజరయ్యి, పూర్తి చేశామనిపించాల్సి వచ్చింది.

అలాగే డ్రైవర్లను కూడా ప్రొఫెషనల్స్ డ్రైవర్లను ఏర్పాటు చేయకుండా, ఆ ఈవెంట్ నిర్వాహకులకు తెలిసినవాళ్లకు అప్పగించడంతో.. వారంతా ఇదో తలనొప్పిగా భావించి విసుక్కున్నారట. ఈ దెబ్బకు స్టార్ హీరో చుక్కలు కనిపించాయని తెలుస్తోంది. సాధారణంగా ఫైవ్ స్టార్ హోటల్ లో ఆతిథ్యం కల్పించనిదే ఏ స్టార్ హీరో - హీరోయిన్ కదిలే పరిస్థితి లేదు. గతంలో ఓ స్టార్ హీరోని అడిగినపుడు బుర్జ్ అరబ్ హోటల్ లో స్టేయింగ్ ఏర్పాటు చేస్తే వస్తాననడం, వాళ్లు చేతులెత్తేయడం, ఈయన కార్యక్రమానికి హాజరు కాకపోవడం జరిగిపోయాయి. ఇప్పుడు మాత్రం ఈ టాలీవుడ్ స్టార్ ముందుగా ఏర్పాట్లపై ఆరా తీసి, కండిషన్స్ పెట్టకపోవడమే ఈ పరిస్థితికి కారణంగా తెలుస్తోంది.