వంశీ పైడిపల్లికి హీరో పుట్టిన రోజు టెన్షన్

డైరక్టర్ గా మహర్షి సినిమాతో పెద్ద హిట్ కొట్టినా వంశీ పైడిపల్లికి నెక్ట్స్ సినిమా దొరకలేదు. అందరూ హీరోలు బిజీగా ఉండటంతో వెయిట్ చెయ్యాల్సిన సిట్యువేషన్. ఈ పరిస్దితుల్లో దిల్ రాజే..వంశీ పైడిపల్లికు హెల్ప్ చేసారు. తమిళ స్టార్ హీరో విజయ్ కు కథ చెప్పించి ప్రాజెక్టు పట్టాలెక్కించే ప్రయత్నం చేస్తున్నారు. ప్రస్తుతం తన టీమ్ తో వంశీ పైడిపల్లి స్టోరీ డిస్కషన్స్ లో ఉన్నారు. అయితే పూర్తి ట్రీట్మెంట్ స్క్రిప్టు ఇంకా రెడీ కాలేదని కేవలం స్టోరీ లైన్ ఫైనల్ అయ్యిందని సమాచారం. స్టోరీలైన్ బాగా నచ్చటంతో బౌండెడ్ స్క్రిప్టుతో రమ్మని విజయ్ చెప్పారట. ఈ నేపధ్యంలో రాత్రింబవళ్లు ఈ కథని వండుతున్నారు దర్శకుడు,ఆయన టీమ్.

అంతవరకూ బాగానే ఉంది. అయితే విజయ్ పుట్టిన రోజున ఈ సినిమా ఎనౌన్సమెంట్ వస్తుందా రాదా అనే టెన్షన్ పట్టుకుందిట. ఎందుకంటే విజయ్ కు వంశీ పైడిపల్లికన్నా ముందే మరిద్దరు స్టార్ డైరక్టర్స్ స్టోరీలైన్స్ వినిపించి ఉన్నారట. అందరూ ఇప్పుడు స్క్రిప్టులు రెడీ చేస్తున్నారట. దాంతో విజయ్ తన 47 వ పుట్టిన రోజున ఎవరి సినిమా ఎనౌన్స్ చేస్తారా లేదా అన్నది పెద్ద క్వచ్చిన్ మార్క్ గా మారింది. ఆ రోజు ఎనౌన్సమెంట్ వచ్చే సినిమాతోనే విజయ్ ముందుకు వెళ్తాడంటున్నారు. విజయ్ ఫ్యాన్స్ అంతా ఇప్పటికే #Thalapathy67 అంటూ హంగామా చేస్తున్నారు సోషల్ మీడియాలో. దాంతో వంశీ పైడిపల్లకి స్పీడు పెంచాల్సిన అవసరం ఏర్పడింది.

ఇక విజయ్ కోసం వంశీ ఎమోషనల్ యాక్షన్ డ్రామాను సిద్ధం చేస్తున్నాడని టాక్ వినిపిస్తోంది. ఈ సినిమాలో అన్ని కమర్షియల్ ఎలిమెంట్స్ ని జోడించనున్నట్లు తెలుస్తోంది. అదే సమయంలో ఓ సామాజిక సందేశం కూడా మిళితమై ఉంటుందిట. మేకింగ్ లో అదరకొట్టే వంశీ ఈ సినిమాని విజువల్ ట్రీట్ లా తియ్యాలని భావిస్తున్నారు. ఈ సినిమాకు దిల్ రాజు నిర్మాతగా వ్యవహరించనున్నాడు. దిల్ రాజు తన యూఎస్ ట్రిప్ నుంచి తిరిగి వచ్చాక స్క్రిప్ట్ వింటాడని తెలుస్తోంది. విజయ్ తొలిసారిగా డైరెక్ట్ తెలుగు సినమా చేస్తూండటంతో ఖచ్చితంగా ఎక్సపెక్టేషన్స్ ఓ రేంజిలో ఉంటాయి.