ట్రైలర్ టాక్‌ : 'తగ్గేదే లే' పర్ఫెక్ట్‌ క్రైమ్‌ థ్రిల్లర్‌

మంచి కాన్సెప్ట్‌ తో వచ్చే సినిమాలకు ఈ మధ్య కాలంలో మంచి ఆధరణ దక్కుతున్న విషయం మనం చూస్తూనే ఉన్నాం. టాలీవుడ్‌ లో చిన్న సినిమాలు పెద్ద విజయాలను నమోదు చేస్తున్న నేపథ్యంలో ఒక మంచి క్రైమ్‌ థ్రిల్లర్ తో నవీన్‌ చంద్ర హీరోగా దివ్య పిళ్లై హీరోయిన్‌ గా శ్రీనివాస రాజు దర్శకత్వంలో రూపొంది రాబోతున్న చిత్రం 'తగ్గేదే లే'.

ఈ సినిమా చాలా విభిన్నమైన యాక్షన్‌ థ్రిల్లర్ గా ఉండబోతుందని తాజాగా విడుదల అయిన ట్రైలర్ ను చూస్తూ ఉంటే అర్థం అవుతుంది. రవి శంకర్ మరియు రాజా రవీంద్ర లు కీలక పాత్రలో నటించిన ఈ సినిమా యొక్క రెండు నిమిషాల నిడివి ఉన్న ట్రైలర్‌ సినిమా స్థాయిని అమాంతం పెంచేసింది అనడంలో సందేహం లేదు.

చిన్న ట్రైలర్ లోనే సినిమా ఎలా ఉండబోతుందో ఫుల్‌ క్లారిటీ గా చూపించారు. దండుపాళ్యం బ్యాచ్ తో పాటు ఒక సున్నితమైన లవ్‌ కమ్‌ ఎమోషనల్ డ్రామాను ఈ సినిమా లో నడిపించబోతున్నట్లుగా మేకర్స్ ట్రైలర్‌ ద్వారా చెప్పే ప్రయత్నం చేశారు. ఇదో యాక్షన్‌ సినిమా కనుక మాస్ ఆడియన్స్ మాత్రమే ఈ సినిమా అన్నట్లుగా కాకుండా అన్ని వర్గాల వారికి అన్నట్లుగా సినిమా ఉంటుందని ట్రైలర్ చూస్తే అనిపిస్తుంది.

సూపర్‌ హిట్‌ సినిమా దండుపాళ్యం గ్యాంగ్‌ తగ్గేదే లే సినిమా లో ఉండటం వల్ల అంచనాలు భారీగా ఉన్నాయి. తప్పకుండా ఈ సినిమా ఆకట్టుకుంటుందనే నమ్మకంను ప్రతి ఒక్కరు వ్యక్తం చేస్తున్నారు. నవీన్ చంద్ర ఈ సినిమా తో నటుడిగా మరింతగా తనను తాను ప్రేక్షకులకు చూపించబోతున్నాడు.

ఇలాంటి పర్ఫెక్ట్‌ క్రైమ్ థ్రిల్లర్ సినిమాను తప్పకుండా తెలుగు ప్రేక్షకులు ఆధరిస్తారనే నమ్మకం వ్యక్తం అవుతుంది. అంతే కాకుండా పుష్ప సినిమా లోని సూపర్‌ హిట్‌ డైలాగ్ తగ్గేదే లే ను ఈ సినిమా టైటిల్ గా పెట్టడం వల్ల టైటిల్ చాలా క్యాచీ గా ఉందంటూ కామెంట్స్‌ వస్తున్నాయి. మొత్తానికి తగ్గేదే లే అనుకుంటూ భారీ విజయాన్ని నవీన్‌ చంద్ర మరియు దండు పాళ్యం బ్యాచ్‌ దక్కించుకునే అవకాశాలు కనిపిస్తున్నాయి.