సింగంకు పోటీగా రోగ్ విలన్

కోలీవుడ్ లో ప్రస్తుతం సెట్స్ పై ఉన్న క్రేజీ ప్రాజెక్టుల్లో సూర్య సింగం సీక్వెల్ కూడా ఒకటి. ఎస్3 అనే టైటిల్ పై ఈ సినిమా తెరకెక్కనుండగా.. ఈ మూవీకి సంబంధించి ఓ ఇంట్రెస్టింగ్ అప్ డేట్ వచ్చింది. ఎస్3 లో విలన్ గా స్టైలిష్ మోడల్ ఠాకూర్ అనూప్ సింగ్ నటిస్తుండడం విశేషం.

సింగం మొదటి రెండు భాగాల్లో విలన్ గా ప్రకాష్ రాజ్ నటించగా.. ఇప్పుడు మూడో పార్ట్ కోసం వేరే విలన్ ని వెతికారు. ఎస్3 లో విలన్ గా ఓ హాలీవుడ్ యాక్టర్ ను తీసుకుందామని భావించాడు దర్శకుడు హరి. కానీ ఠాకూర్ లుక్స్ చూసిన తర్వాత.. మెస్మరైజ్ అయిన డైరెక్టర్.. చివరకు అతనినే ఫైనల్ చేశాడు. ఇప్పటికే పూరీ జగన్నాథ్ తీస్తున్న రోగ్ మూవీలో నటిస్తున్న ఠాకూర్ అనూప్ సింగ్.. ఇప్పుడు కోలీవుడ్ ఎంట్రీ కూడా ఇచ్చేస్తున్నాడు.

ప్రస్తుతం సింగం3 షూటింగ్ దాదాపు పూర్తి కావచ్చింది. కొన్ని పాటలు.. క్లైమాక్స్ మినహాయిస్తే.. చాలావరకు పిక్చరైజేషన్ పూర్తయిపోయింది. అనుష్క - శృతి హాసన్లు ఎస్3లో హీరోయిన్స్ కాగా.. సూర్య స్వయంగా నిర్మిస్తున్నాడు. దీపావళి నాటికి ఎస్3ని రిలీజ్ చేసేలా ప్లాన్ చేస్తున్నాడు సూర్య.