గ్లిప్స్ తో ర‌చ్చ మొద‌లు పెట్టిన త‌లైవా!

సూప‌ర్ స్టార్ ర‌జ‌నీకాంత్ న‌టిస్తున్న లేటెస్ట్ యాక్ష‌న్ కామెడీ ఎంట‌ర్ టైన‌ర్ 'జైల‌ర్‌'. నెల్స‌న్ దిలీప్ కుమార్ డైరెక్ట్ చేస్తున్నాడు. స‌న్ పిక్చ‌ర్స్ బ్యాన‌ర్ పై క‌ళానిధి మార‌న్ అత్యంత భారీ స్థాయిలో ఈ మూవీని నిర్మిస్తున్నారు. 'న‌ర‌సింహా' త‌రువాత ర‌జ‌నీతో క‌లిసి ర‌మ్య‌కృష్ణ న‌టిస్తున్న సినిమా కావ‌డంతో ఈ మూవీ ర‌జ‌నీ, ర‌య్య‌కృష్ణ అభిమానుల‌కు ప్ర‌త్యేకంగా మారింది. స‌న్ పిక్చ‌ర్స్ సంస్థ అత్యంత ప్ర‌తిష్టాత్మ‌కంగా నిర్మించిన 'రోబో' త‌రువాత ర‌జ‌నీ ఆ మార్కు విజ‌యాన్ని అందుకోలేక‌పోతున్నారు.

క‌న్న‌డ స్టార్ హీరో శివ‌రాజ్ కుమార్ కీల‌క పాత్ర‌లో న‌టిస్తుండ‌టంతో ఈ మూవీపై అంచ‌నాలు తారా స్థాయికి చేరుకున్నాయి. అయితే ర‌జ‌నీ మార్కు హంగామా మాత్రం ఇంకా ఈ మూవీపై స్టార్ట్ కాలేదు. గ‌త కొంత కాలంగా త‌న ఫామ్ ని కోల్పోతున్న ర‌జ‌నీ కాంత్ ఈ మూవీతో అయినా మ‌ళ్లీ ట్రాక్ లోకి రావాల‌ని అభిమానులు ఆశ‌గా ఎదురుచూస్తున్నారు.

అ నేప‌థ్యంలో ఈ మూవీ నుంచి గ్లింప్స్ ని మేక‌ర్స్ తాజాగా విడుద‌ల చేశారు. 13 ప‌సెకంన్ ల నిడివితో సాగిన ఈ గ్లింప్స్ టెర్రిఫిక్ గా వుంది. ర‌జ‌నీ మ‌ళ్లీ త‌న‌దైన స్టైల్లో ట్రాక్ లోకి 'జైల‌ర్‌' మూవీతో రావ‌డం ఖాయంగా క‌నిపిస్తోంద‌ని ఫ్యాన్స్ సోష‌ల్ మీడియా వేదిక‌గా కామెంట్ లు చేస్తున్నారు. ప్ర‌తీ ఫ్రేమ్ లోనూ ర‌జ‌నీ త‌న‌దైన స్టైల్లో క‌నిపిస్తూ ఆక‌ట్టుకున్నారు. త‌న‌దైన స్టైల్లో ర‌చ్చ చేస్తున్నారు. ర‌జ‌నీ స్టైల్స్ లో కొన్ని సిగ్నేచ‌ర్ స్టిల్స్ వుంటాయి.

అయి 'జైల‌ర్' గ్లింప్స్ లో క‌నిపించ‌డం.. ర‌జ‌నీ త‌నదైన రాజ‌సంతో త‌న‌వైన మేన‌రిజ‌మ్స్ తో క‌నిపిస్తున్న తీరు సినిమా ఓ రేంజ్ లో వుంటుంద‌నే న‌మ్మ‌కాన్ని క‌లిగిస్తోంది. దీంతో ఈ గ్లింప్స్ ని చూసిన అభిమానులు సోష‌ల్ మీడియా వేదిక‌గా త‌లైవాపై ప్ర‌శంస‌ల వ‌ర్షం కురిపించ‌డం మొద‌లు పెట్టారు. చాలా కాలంగా త‌న మార్కు సినిమాల‌కు దూర‌మైన త‌లైవా 'జైల‌ర్‌'తో మ‌ళ్లీ క‌మ్ బ్యాక్ కాబోతున్న‌ట్టుగా గ్లింప్స్ వుంద‌ని.. గ్లింప్స్ గూస్ బంప్స్ తెప్పించేలా వుంద‌ని కామెంట్ లు చేస్తూ అప్పుడే సెల‌బ్రేష‌న్స్ మొద‌లు పెట్టారు.

ఇర ర‌జ‌నీ స్టైల్ కి తోడు అనిరుధ్ అందించిన బ్యాగ్రౌండ్ స్కోర్ కూడా ఓ రేంజ్ లో వుంది. క‌మ‌ల్ హాస‌న్ న‌టించిన 'విక్ర‌మ్' మూవీకి అదిరిపోయే బీజిఎమ్ ని అందించిన ట్రెండ్ అయిన అనిరుధ్ మ‌రోసారి 'జైల‌ర్‌'తో అదే మ్యాజిక్ ని మ‌రోసారి రిపీట్ చేసేలా వున్నాడ‌ని గ్లింప్స్ కి అందించిన సంగీతాన్ని బ‌ట్టి చూస్తే అర్థ‌మ‌వుతోంది. గ్లింప్స్ తోనే ర‌జ‌నీ ర‌చ్చ చేస్తే ఇక టీజ‌ర్ తో ఎలాంటి హంగామా సృష్టిస్తారో వేచి చూడాల్సిందే అంటున్నారు ర‌జ‌నీ ఫ్యాన్స్‌. స‌మ్మ‌ర్ బ‌రిలో ఏప్రిల్ 14న భారీ స్థాయిలో ఈ మూవీని రిలీజ్ చేయ‌డానికి స‌న్ పిక్చ‌ర్స్ వారు భారీ ప్లాన్ రెడీ చేయ‌డం విశేషం.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.