సమంతకి అంత సీన్ ఉందా...?

తమ అభిమాన హీరో హీరోయిన్ల పుట్టిన రోజు వచ్చిందంటే వారి ఫ్యాన్స్ చేసే హంగామా చూస్తూనే ఉంటాం. పెద్ద పెద్ద కటౌట్లు..బ్యానర్లు.. ప్లెక్సీలు.. కేక్ కట్టింగ్ లు అంటూ హడావిడి బాగానే ఉంటుంది. తమ ఫేవరెట్ హీరో ఎక్కడున్నా హ్యాపీగా ఉండాలని అభిమానులు హీరోల కటౌట్లు ముందు బర్త్ డే వేడుకలు జరుపుతూ సంబరాలు చేసుకుంటూ ఉంటారు. తమ అభిమాన నటీనటులను మెప్పించడానికి ఫ్యాన్స్ రకరకాలుగా ప్రయత్నాలు చేస్తూ ఉంటారు. ఇప్పుడు లేటెస్టుగా తమ ఫేవరేట్ నటీనటుల ఫోటోలను అందరూ కామన్ డీపీలుగా పెట్టుకొని సెలెబ్రేట్ చేస్తున్నారు. అది ఇంకో సెలబ్రెటీతో రిలీజ్ చూపించడం ఇప్పుడు ట్రెండ్ గా సాగుతోంది. కాగా స‌మంత బ‌ర్త్‌ డే ఈ నెల 28 కావ‌డంతో అభిమానులు ఇప్ప‌టికే సోష‌ల్ మీడియాలో హంగామా మొద‌లు పెట్టేశారు. అయితే 33వ బ‌ర్త్‌ డే జ‌రుపుకోనున్న స‌మంత కోసం అభిమానులు కామ‌న్ డీపీ రూపొందించారు. దీనిని మిల్కీ బ్యూటీ త‌మ‌న్నా భాటియా త‌న ట్విట్ట‌ర్ ద్వారా విడుద‌ల చేశారు. ఈ ప్ర‌త్యేక సంద‌ర్భంలో స‌మంత డీపీ విడుద‌ల చేస్తున్నాను.. స‌మంత త‌న కెరీర్‌ని అత్య‌ద్భుతంగా మ‌ల‌చుకొని ముందుకు వెళుతున్న తీరు ఆద‌ర్శం. బ్యూటీ విత్ బ్రెయిన్‌ - సూప‌ర్ స్టైలిష్ - ఏకాగ్ర‌త‌ - మంచి నైపుణ్యం ఉన్న న‌టి. ఆమెతో నాకు ప‌రిచ‌యం ఉండ‌డం నా అదృష్టం అని త‌మన్నా ట్వీట్ చేసింది. దీనిపై స్పందించిన సామ్‌.. నువ్వు నా డార్లింగ్‌ వి.. మంచి మాట‌లు చెప్పావు.. ల‌వ్యూ బేబి అని రిప్లై ఇచ్చింది. కొద్ది రోజులుగా స‌మంత సోష‌ల్ మీడియాలో చాలా సైలెంట్ గా ఉండగా రెండు రోజుల క్రిత‌మే గాఢ నిద్ర నుండి మేల్కొన్నానంటూ ట్వీట్ చేసింది. ఇక్కడి దాకా అంతా బాగానే ఉంది.

కానీ ఈ కామన్ డీపీ గురించి ఇప్పుడు అందరూ చర్చించుకుంటున్నారు. కారణం ఈ ఫొటోలో 'హ్యాపీ బర్త్ డే తలైవి సమంత' అని ఆమెకు ఫ్యాన్స్ విషెస్ చెప్తున్నట్లు ఉంది. వాస్తవానికి తమిళనాడు మాజీ సీఎం దివంగత జయలలిత ని అక్కడి వారు 'తలైవి' అని సంభోదిస్తుంటారు. ఇప్పుడు ఫ్యాన్స్ సామ్ ని అలా సంబోధించడం చర్చనీయాంశం అయింది. అప్పట్లో సోషల్ మీడియా మాధ్యమాలు లాంటివి లేని టైములోనే జయలలిత మిలియన్ల ఫ్యాన్స్ ని సొంతం చేసుకుంది. ఆ తర్వాత రాజకీయాల్లోకి తలైవిగా ఆరాధించే స్టేజికి వచ్చేసింది. అలాంటి ఆమెతో సమంతని కంపేర్ చేయడమేంటని కొందరు ప్రశ్నిస్తున్నారు. జయలలితతో సమంతని పోల్చకపోయినా ఇప్పుడు ఈ కామన్ డీపీలో 'తలైవి' పేరు చూసి ఖచ్చితంగా ప్రశ్నిస్తారని చెప్పవచ్చు. ఇప్పటికే ఈ ఫోటో చూసిన తెలుగు ప్రేక్షకులు 'సమంతకి అంత సీన్ ఉందా..' అంటూ ట్రోల్ చేయడం స్టార్ట్ చేశారు. సామ్ బర్త్ డేకి ఇంకా రెండు రోజుల టైం ఉంది. ఈలోపు ఇంకెంతమంది దీనిపై రియాక్టవుతారో చూడాలి.