దళపతి విజయ్.. హార్ట్ కి టచ్ అయ్యే పిక్

తమిళ ఇండస్ట్రీలో దళపతి విజయ్ ఫ్యాన్ ఫాలోయింగ్ ప్రతి సినిమాకు అంతకంతకు పెరుగుతూనే ఉంది. ఇటీవల కాలంలో అత్యధిక మార్కెట్ పెంచుకున్న తమిళ హీరోల్లో కూడా అతనే మొదటి స్థానంలో కొనసాగుతున్నాడు. ఒకప్పుడు రజనీకాంత్ హవా నడిస్తే ఇప్పుడు మాత్రం పూర్తిస్థాయిలో తమిళ ఇండస్ట్రీలో విజయ్ పట్టు సాధించాడు అని చెప్పవచ్చు.

అతని సినిమా విడుదలవుతోంది అంటే తప్పకుండా బాక్సాఫీస్ వద్ద రికార్డుల మోత మోగుతోంది. ఇక మెల్లగా సౌత్ ఇండస్ట్రీలో కూడా అతని రేంజ్ మరింత ఎక్కువవుతుంది అని చెప్పాలి. తెలుగులో కూడా ఇప్పుడు షాన్ ఫాలోయింగ్ మెల్లగా పెరుగుతుంది. అయితే విజయ్ ఫ్యాన్స్ ను ఎంతగా ఇష్టపడతాడో ప్రత్యేకంగా చెప్పనవసరం లేదు. ఎన్నోసార్లు అతను అభిమానులకు ఆర్థికంగా సహాయం కూడా చేశాడు.

సహాయాలు చేసినా కూడా వాటిని పెద్దగా ప్రమోషన్స్ తరహాలో కూడా అతను ప్రచారాలు చేసుకోవడానికి ఇష్టపడడు. ఇక రీసెంట్ గా విజయ్ ప్రత్యేకంగా ఫ్యాన్స్ తో ఒక ఫోటో సెషన్ నిర్వహించాడు.

ఇక ఈ క్రమంలో తమిళ గ్రామాల నుంచి విజయ్ ను కలుసుకునేందుకు కొంతమంది ఫ్యాన్స్ వచ్చారు. అయితే నడవలేని స్థితిలో ఉన్న ఒక అభిమాని విజయ్ తో ఫోటో దిగేందుకు ఎంతో ప్రేమతో అక్కడికి వచ్చాడు.

దీంతో విజయ్ అతన్ని నేరుగా ఎత్తుకొని ఫోటోకు స్టిల్ ఇచ్చాడు దీంతో ఆ అభిమాని ఎంతగానో సంతోష పడిపోయాడు. అంతేకాకుండా అభిమానికి సహాయం చేయడానికి కూడా సిద్ధమే అని విజయ్ ఒప్పుకున్నట్లుగా తెలుస్తోంది. సోషల్ మీడియాలో అయితే ప్రస్తుతం అందుకు సంబంధించిన ఫోటో వైరల్ గా మారింది.

విజయ్ మొత్తానికి హార్ట్ టచ్ చేశాడు అని ఫ్యాన్స్ చాలా పాజిటివ్ గా స్పందిస్తున్నారు. అతను ఎలాంటి సినిమా చేసిన కూడా అందులో ఫ్యాన్ మూమెంట్స్ ఒక రేంజ్ లో టచ్ అవుతూ ఉంటాయి. ఇక రియల్ లైఫ్ లో కూడా విజయ్ అదే తరహాలో ఫ్యాన్స్ దగ్గరయ్యే విధంగా ప్రవర్తిస్తూ ఉంటాడు. ఇక అతని తదుపరి సినిమా వారసుడు తెలుగు తమిళ్లో ఒకటేసారి సంక్రాంతికి రాబోతున్న విషయం తెలిసిందే.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.