యాక్టింగ్ తిక్క చూపిస్తున్న తమన్

టాలీవుడ్ - కోలీవుడ్ లతో పాటు సౌత్ సినీ ఇండస్ట్రీలో ఎస్ ఎస్ థమన్ ఓ సంచలనం. చాలా అంటే చాలా స్పీడ్ గా అరుదైన అవకాశాలు అందిపుచ్చుకున్నాడు. భారీ చిత్రాలను ఒడిసి పట్టి మంచి హిట్స్ కూడా కొట్టాడు. అయితే.. తమన్ తన కెరీర్ ని ప్రారంభించింనది యాక్టర్ గానే. శంకర్ దర్శకత్వంలో రూపొందిన 'బాయ్స్' చిత్రంతో యాక్టర్ గా సినీ రంగ ప్రవేశం చేసిన తమన్.. ఆ తర్వాత మ్యూజిక్ డైరెక్టర్ గా టర్నింగ్ ఇచ్చుకుని సక్సెస్ ఫుల్ గా దూసుకుపోతున్నాడు.

మెగా హీరో సాయిధరం తేజ్ లేటెస్ట్ మూవీ తిక్కలో తమన్ గెస్ట్ కేరక్టర్ చేయనున్నాడన్న వార్త సంచలనం అయింది. ఈ సినిమాకి మ్యూజిక్ ఇస్తోంది కూడా తమన్ కావడం విశేషం. తిక్కలో తమన్ చేస్తున్నది చిన్న పాత్రే అయినా.. స్టోరీని మలుపు తిప్పేదిగా ఉంటుందని తెలుస్తోంది. వచ్చే వారంలో తిక్క షూటింగ్ లో భాగం అవుతున్నందుకు తమన్ కూడా తెగ హ్యాపీగా ఉన్నాడు . చాలా ఏళ్ల తర్వాత మళ్లీ ఇప్పుడు తనలోని యాక్టింగ్ ట్యాలెంట్ చూపించబోతున్నాడు తమన్. అలాగని సినిమా ఛాన్సులు తగ్గాయని కాదులెండి. ప్రస్తుతం ఈ కంపోజర్ బాగా బిజీ.

సినిమాల్లో ఫుల్ లెంగ్త్ రోల్స్ చేసేంత ఖాళీ అయితే ఏ మాత్రం లేదు. అలాగని యాక్టింగ్ కి కంప్లీట్ గా దూరం కూడా కాలేడు. అందుకే సరైన అవకాశం దొరకగానే గెస్ట్ రోల్ చేసేందుకు సై అన్నాడు. సాయిధరం తేజ్ వరుసగా సక్సెస్ లు కొడుతుండడంతో... తిక్క పై కూడా ఇండస్ట్రీలో మంచి అంచనాలే ఉన్నాయి.