తమన్.. మణిశర్మని రిపీట్ చేస్తాడా?

యువ సంగీత సంచలనం అనే మాట థమన్ కి సరిగ్గా సరిపోతుంది. కెరీర్ స్టార్టింగ్ లోనే స్టార్ హీరోల సినిమాలకు మ్యూజిక్ ఇచ్చే అవకాశాలు దక్కించుకోవడం, అతి తక్కువ సమయంలోనే మ్యూజిక్ డైరెక్టర్ గా హాఫ్ సెంచరీ దాటిపోవడం తమన్ బాబు స్పెషాలిటీ.

ఇప్పుడీ క్రేజ్ ని ఫుల్లుగా క్యాష్ చేసుకుంటున్నాడు తమన్. సినిమాలతో మాత్రమే కాకుండా.. లైవ్ షోలు - కాన్సర్ట్ లు కూడా ఇచ్చేస్తున్నాడు. ఓ నెల రోజులపాటు యూఎస్ అంతటా ఓ పది లైవ్ షోలు ఇస్తున్నాడు. బాగా సొమ్ము ముడుతుంది కాబట్టి.. మ్యూజిక్ డైరెక్టర్లు ఇలాంటి లైవ్ షోలు ఇవ్వడం కొత్తేం కాదు కానీ.. వీటిపై కాన్సన్ ట్రేషన్ చేసి.. సినిమాలను నిర్లక్ష్యం చేశాడు మణిశర్మ. ఆ తర్వాత మెల్లగా ఫేడౌట్ అయిపోయాడు.

మణిశర్మ ఇప్పటికీ ఇండస్ట్రీలో ఉన్నా.. ఇతర కంపోజర్ ల సినిమాలకు అడపాదడపా బ్యాక్ గ్రౌండ్ మ్యూజిక్ చేసుకోవాల్సి వస్తోంది. తమన్ ని కూడా బీజీఎం విషయంలో స్పెషలిస్ట్ గానే పరిగణిస్తారు ఇండస్ట్రీ జనాలు. మరి తమన్ బాబు కూడా మణిశర్మనే ఫాలో అవుతాడో.. లేక ఫిలిం ఇండస్ట్రీకి ఇంపార్టెన్స్ ఇస్తాడో!!