సర్కారు పాట.. ఓ మాస్ మూవీ: తమన్

ప్రస్తుతం టాలీవుడ్ ఇండస్ట్రీలో టాప్ మ్యూజిక్ డైరెక్టర్స్ లో ఒకరు తమన్. ఈ మధ్యకాలంలో తమన్ సంగీతం అంటే జనాలకు బాగా ఎక్కేసింది. అందుకే వాళ్లను దృష్టిలో పెట్టుకొని మాస్ - క్లాస్ ఆడియన్స్ మేళవించి సంగీతం అందిస్తున్నాడు. ముఖ్యంగా కమర్షియల్ సినిమాలకు తమన్ అందించే పాటలతో పాటు బాక్గ్రౌండ్ మ్యూజిక్ ఓ రేంజిలో క్లిక్ అవుతోంది. ఈ విషయం ఇప్పటికే చాలా సినిమాలతో ప్రూవ్ చేసాడు తమన్. గతేడాది అలవైకుంఠపురంలో సినిమాతో బ్లాక్ బస్టర్ అందుకున్న తమన్ ఒక్కసారిగా మ్యూజిక్ స్టైల్ కూడా మార్చేసాడు. నిజానికి తమన్.. సినిమా కథను బట్టి మ్యూజిక్ అందిస్తాడని టాక్.

ఈ మధ్యకాలంలో మ్యూజిక్ ఆల్బమ్స్ పరంగా.. బాక్గ్రౌండ్ మ్యూజిక్ పరంగా తమన్ చాలా క్రియేటివిటీ చూపిస్తున్నాడు. అందుకే ఆల్బమ్స్ కూడా అంతే ఫేమ్ తీసుకొస్తున్నాయి. అంతకన్నా ముఖ్యంగా బాక్గ్రౌండ్ మ్యూజిక్ తో ప్రేక్షకులను విశేషంగా ఆకట్టుకుంటున్నాడు. ప్రస్తుతం అయితే తమన్ సాంగ్స్ కంటే బాక్గ్రౌండ్ మ్యూజిక్ కు ఫ్యాన్ బేస్ చాలా ఉంది. అయితే వరుసగా హిట్స్ పడేసరికి తమన్ కూడా కమర్షియల్ బాట పట్టేశాడట. మొన్నటివరకు ఓ లెక్క ఇప్పుడు ఓ లెక్క అన్నట్లుగా పారితోషికం పెంచినట్లు టాక్ నడుస్తుంది. ఈ ఏడాది ఆల్రెడీ తమన్ క్రాక్ - వకీల్ సాబ్ లాంటి మాస్ హిట్స్ అందుకున్నాడు. ప్రస్తుతం తమన్ చేతినిండా సినిమాలతో గ్యాప్ లేకుండా బిజీ అయిపోయాడు.

ఓవైపు మహేష్ బాబుకు వరుసగా సర్కారు వారి పాట, త్రివిక్రమ్ సినిమాలకు అందిస్తున్నాడు. అలాగే నందమూరి బాలయ్య అఖండ సినిమాలతో పాటు భారీ సినిమాలను కలిగి ఉన్నట్లు సమాచారం. తాజాగా త్రివిక్రమ్ సినిమాకు తానే సంగీతం అని కన్ఫర్మ్ చేస్తూ.. సినిమాల గురించి క్రేజీ హింట్స్ బయటపెట్టాడు. తమన్ మహేష్ కాంబినేషన్ లో 4వది సర్కారు వారి పాట కాగా 5వది త్రివిక్రమ్ మూవీ. అలాగే త్రివిక్రమ్ తో తమన్ హ్యాట్రిక్ మూవీ ఇదేనని చెప్పవచ్చు. సర్కారు మూవీ పూర్తిగా మాస్ అంశాలతో కూడిన హై ఆక్టెన్ యాక్షన్ ఎంటర్టైనర్ అని చెప్పాడు. అలాగే ఈ సినిమాలో క్లాస్ తో పాటు మాస్ తో పాటు వినోదం మిస్ కాకుండా చూసుకుంటున్నట్లు తెలిపాడు. అలాగే త్రివిక్రమ్ మూవీ గురించి మాట్లాడుతూ.. ఈ సినిమా ఓ న్యూ జానర్ లో తెరకెక్కనుందని చెప్పాడు. మహేష్ - త్రివిక్రమ్ కాంబినేషన్ లో ఈ సినిమా కొత్తగా ఉండబోతుందని తమన్ సినిమా పై అంచనాలు పెంచేసాడు. ప్రస్తుతం తమన్ మాటలు సోషల్ మీడియాలో వైరల్ అవుతున్నాయి.