మెగా స్టార్‌ సాంగుతో ఊపేసిన తమన్

మెగాస్టార్ రీ ఎంట్రీ ఎలా ఉంటుందో అని.. ఏళ్ల తరబడి ఎదురుచూస్తున్న మెగాఫ్యాన్స్ కి ఆరాటం తీరింది. మొత్తానికి రఫ్ లుక్ తో మరోసారి గ్యాంగ్ లీడర్ ని గుర్తు చేసేశారు చిరంజీవి. రామ్ చరణ్ సినిమాలో కేవలం 5 నిమిషాలు మాత్రమే అయినా.. మొత్తం మూవీకే హైలైట్ అయిపోయింది సీన్.

కొడుకు రామ్ చరణ్ తో కలిసి.. మెగాస్టార్ గుర్రపు స్వారీ చేస్తుంటే.. ఆ సీన్ చూసేందుకు మెగా ఫ్యాన్స్ కి వెయ్యి కళ్లు కావాల్సి వచ్చింది. అయితే.. ఈ ఐదారు నిమిషాల సీన్స్ ఇంతగా పండటానికి మెయిన్ రీజన్ మ్యూజిక్ డైరెక్టర్ ఎస్ఎస్ థమన్. చిరు ఉన్నంతసేపు అభిమానులకు ఎలా కావాలో, ఎలాంటి మ్యూజిక్ ఉంటే ఫ్యాన్స్ అరుపులు, కేకలు - విజిల్స్ తో సంబరాలు చేసుకుంటారో.. అలాంటి బీట్ తో అరుపులు పెట్టించాడు తమన్.

మామూలుగానే బ్యాక్ గ్రౌండ్ స్కోర్ విషయంలో తమన్ ఇరగదీస్తాడు. ఇప్పుడు మెగాస్టార్ మెగాస్టార్ అంటూ కంపోజ్ చేసిన బీజీఎం.. మైండ్ బ్లోయింగ్ అని చెప్పాలి. కొత్తగా ఏం కొట్టలేడు, అంతా కాపీ అనే విమర్శలు ఎదుర్కుంటున్న టైంలో.. ఇంత షార్ట్ టైంలో ఇంత అద్భుతంగా మ్యూజిక్ ఇచ్చి.. తనేంటో ప్రూవ్ చేసుకున్నాడు తమన్. ఏకంగా చిరంజీవికే అదిరిపోయే మ్యూజిక్ ఇచ్చాడంటే.. మనోడు మరో మెట్టెక్కేసినట్లే.