నో రీమిక్స్ అంటున్న థమన్

ఎస్ ఎస్ థమన్ సౌత్ లో సంగీత సంచలనం. అరంగేట్రం నుంచి అనతి కాలంలోనే టాప్ స్టార్ల సినిమాలకు పవర్ ఫుల్ మ్యూజిక్ ఇచ్చేస్తున్నాడు. ఇప్పుడు సరైనోడు కోసం థమన్ ఇచ్చిన సంగీతం అందరినీ అలరిస్తోంది. ఇప్పటికే సరైనోడు సాంగ్స్ టాప్ ఛార్ట్స్ లో నిలిచాయి. మెలోడీ నుంచి మాస్ సాంగ్స్ వరకూ అన్నింటిలోనూ సత్తా చాటాడు థమన్. ఈ సినిమాకి మ్యూజిక్ విషయంలో.. బన్నీ ఎఫర్ట్ ని మర్చిపోలేనంటున్నాడు ఈ సంగీత దర్శకుడు.

ఆడియన్స్ కి ఏం కావాలో అల్లు అర్జున్ కి బాగా తెలుసని, కొత్త ట్రెండ్ ని ఎప్పటికప్పుడు ఫాలో అయిపోతూ.. దానికి తగ్గ రేంజ్ లో మనం ఉండాలనే బన్నీ తపన సూపర్బ్ అన్నాడు థమన్. ఇక బోయపాటి శ్రీను సినిమాకి మ్యూజిక్ ఇవ్వడం అంటే మొదట బాగా డౌట్ పడ్డాడట. అయితే.. చెన్నైలో మ్యూజిక్ సిట్టింగ్స్ స్టార్ట్ చేసిన వారానికల్లా ఇద్దరూ ఒకరికొకరం ట్యూన్ అయిపోయామన్న థమన్.. ఆ తర్వాత బోయపాటికి ఎలాంటి ఔట్ పుట్ కావాలో పర్ఫెక్ట్ గా అర్ధమైందని చెప్పాడు.

ఇక రీమిక్స్ ల విషయంలో మాత్రం తాను బాగా వ్యతిరేకమని.. ఓల్డ్ ఈజ్ గోల్డ్.. వాటినలా వదిలేయంతే.. వాటిని చెడగొట్టే ప్రయత్నం సరికాదన్నది తన ఉద్దేశ్యంగా చెప్పాడు తమన్. సరైనోడు తర్వాత గోపీచంద్ మలినేని దర్శకత్వంలో సాయిధరం తేజ్ తో ఓ మూవీ చేయనున్నట్లు చెప్పాడీ సంగీత దర్శకుడు.