చైతు మిసెస్ కి... తమన్ ప్రామిస్

సినిమా సక్సెస్ లో బ్యాక్ గ్రౌండ్ స్కోర్ చాలా కీలకం. డైరెక్టర్ ఎంత కష్టపడి తీసినా.. నటులు ఎంతగా శ్రమించినా.. ప్రతి సీన్ కి అనుగుణంగా బీజీఎం ఉంటేనే.. అవుడ్ పుట్ బాగుంటుంది. ఆడియన్స్ ఎగ్జయిట్ అవుతారు. ప్రేక్షకుల మనస్సుని కదిలించేలా ఒక సీన్ ఉందంటే.. అందులో బ్యాక్ గ్రౌండ్ మ్యూజిక్ పాత్ర కచ్చితంగా ఉంటుంది. సినిమా రిజల్ట్ సంగతి ఎలా ఉన్నా బ్యాక్ గ్రౌండ్ మ్యూజిక్ మాత్రం ఈ మధ్య కాలంలో బాగా ఫేమస్ అయిపోతోంది.

సంగీత దర్శకుడు థమన్ కు.. మాంచి బీజీఎంలు ఇస్తాడనే పేరు ఉంది. మాస్ పాటలతో పాటు ఫ్లూట్ మెలోడీ సాంగ్స్ ఇవ్వడంలో థమన్ సక్సెస్ అయ్యాడు. ఇక నేపధ్య సంగీతంలో కొత్త రకం వాయిద్యాలతో అలరిస్తూ ఉంటాడు. రీసెంట్ గా సైరా ఫస్ట్ లుక్ లో కూడా థమన్ మంచి బిజిఎమ్ ఇచ్చాడు. సరైనోడు సినిమాలో అయితే ఊర మాస్ లెవెల్ యాక్షన్ సీన్స్ ని మరో స్థాయికి తీసుకెళ్లాడు. బిగ్ బాస్ షోకి కూడా థమన్ ఇచ్చిన బిజిఎమ్ కి.. మంచి గుర్తింపు లభించింది. అయితే రీసెంట్ గా థమన్ బ్యాక్ గ్రౌండ్ మ్యూజిక్ విషయంలో సమంత కి ఒక ప్రామిస్ చేశాడట. ప్రస్తుతం థమన్ రాజుగారి గది 2 సినిమాకు వర్క్ చేస్తున్నాడు. ఈ సినిమాలో నాగార్జున తో పాటే సమంత కూడా నటిస్తోంది.

సినిమాలో సమంత ఒక ఆవేదనతో కూడిన ఆత్మ పాత్రలో కనిపించనుందని తెలుస్తోంది. సినిమాలో సమంత నటనకు ప్రతి ఒక్కరు భావోద్వేగానికి లోనవుతారట. రీసెంట్ గా సమంతకి ప్రతి సారి డబ్బింగ్ చెప్పే సింగర్ చిన్మయి కూడా సామ్ యాక్టింగ్ కి కన్నీళ్లు పెట్టుకుందనే న్యూస్ వచ్చింది. దీంతో ఆమె డబ్బింగ్ కూడా చాలా ఇష్టపడి చేసింది. అదే స్థాయిలో సమంత యాక్టింగ్ హార్ట్ కి ఫిదా అయిపోయిన థమన్.. బీజీఎంతో మరింత ప్రాణం పోస్తానని ప్రామిస్ చేశాడట. సామ్ నటనను మరో స్థాయికి తీసుకువెళ్లేలా అద్భుతమైన బ్యాక్ గ్రౌండ్ మ్యూజిక్ ఇస్తానని సమంత కి థమన్ మాట ఇచ్చాడట.