అనిరుద్ స్టైల్ లోనే తమన్!

సంక్రాంతికి ఇంకా మూడు నెలలకు పైగా టైం ఉన్నప్పటికి అప్పటికి రిలీజ్ ప్లాన్ చేసుకున్న సినిమాల యూనిట్లు ప్రమోషన్ల మీద ఇప్పటి నుంచే దృష్టి సారిస్తున్నాయి. త్రివిక్రమ్ అల్లు అర్జున్ కాంబోలో రూపొందుతున్న అల వైకుంఠపురము టీం కూడా ఇదే తరహా ప్లానింగ్ లో ఉన్నట్టు సమాచారం. వచ్చే నెల యూనిట్ మొత్తం పాల్గొనగా వైరల్ అయ్యే రేంజ్ లో ఒక స్పెషల్ ప్రోమో సాంగ్ ని షూట్ చేయబోతున్నారట.

ఇందులో బన్నీ సంగీత దర్శకుడు తమన్ తో పాటు కీలక తారాగణం మొత్తం పాల్గొనేలా ప్లానింగ్ జరుగుతున్నట్టుగా తెలిసింది. ఇప్పుడీ ట్యూన్ కంపోజింగ్ లోనే తమన్ బిజీగా ఉన్నాడట. ఈ తరహా ట్రెండ్ బాలీవుడ్ లో ఎప్పటినుంచో ఉంది. సౌత్ లో మొదలుపెట్టింది మాత్రం అనిరుద్ రవిచందర్.

పవన్ కళ్యాణ్ అజ్ఞాతవాసి కోసం స్పెషల్ సాంగ్ చేసి రిలీజ్ చేస్తే అది సూపర్ హిట్ అయ్యింది. యుటర్న్ సమంతా కోసం ఇదే ఇదే తరహాలో వర్క్ అవుట్ చేశాడు. నాని గ్యాంగ్ లీడర్ ప్రోమోస్ కోసం ఏకంగా నటించేశాడు కూడా. ఇది ఇతనికి చాలా మాములు విషయం. ఒకరకంగా చెప్పాలంటే బాధ్యతగా తీసుకుని మరీ చేస్తాడు. ఇప్పుడు బన్నీ కోసమని తమన్ కూడా అదే రూట్ లో వెళ్ళేలా ఉన్నాడు. దీనికి సంబంధించిన ప్రకటన పూర్తి వివరాలు మరికొద్ది రోజుల్లో వెలువడే అవకాశాలు ఉన్నాయి