వీరరాఘవుడికి థమన్ జోలపాట!

ఒక సినిమా హిట్ అవ్వాలంటే చాలా విషయాలు కుదరాలి. అలాంటి ముఖ్యమైన విషయాలలో సంగీతం ఒకటి. మనం సరిగ్గా గమినిస్తే హిట్ అయిన సినిమాల్లో మెజారిటీ మ్యూజికల్ హిట్స్ అయి ఉంటాయి. మరి ఇదే థంబ్ రూల్ ఫాలో అవుతున్నారట త్రివిక్రమ్ - ఎన్టీఆర్ కాంబినేషన్ లో తెరకెక్కుతున్న 'అరవింద సమేత వీర రాఘవ' సినిమాకు.

ఈ సినిమాకు థమన్ సంగీతం అందిస్తున్న సంగతి తెలిసిందే కదా. ఈ సినిమాలో కథ ప్రకారం ఒక లాలి పాట ఉంటుందట. అంటే ఎన్టీఆర్ చిన్న బాబుగా ఉన్నప్పుడు వాళ్ళమ్మ ఈ పాటను పాడుతుందని.. లాలిపాటలా ఉన్నప్పటికీ ఇది తన భర్త కోసం పాడే పాట అని సమాచారం. ఈ విషయాన్ని వీర రాఘవ తను పెద్దయ్యగా గ్రహిస్తాడట. మనసుని కదిలించే ఈ పాట సినిమా స్టార్టింగ్ లోనే వస్తుందట. ఈ పాటకు థమన్ అదిరిపోయే ట్యూన్ ను ఇచ్చాడని టాక్.

సాధారణంగానే త్రివిక్రమ్ సినిమాల్లో పాటలు స్పెషల్ గా ఉంటాయి. మరి థమన్ మొదటి సారి గురూజీ తో వర్క్ చేస్తుండడంతో మంచి అవుట్ పుట్ ఇవ్వాలని శ్రద్ధగా ట్యూన్స్ చేస్తున్నాడట. ఈ లెక్కన 'అరవింద సమేత' నుండి ఓ చార్ట్ బస్టర్ ఆల్బమ్ ను ఆశించొచ్చేమో! మరో వైపు ఈ సినిమాను అక్టోబర్ లో దసరా సందర్భంగా రిలీజ్ చేసేందుకు ఫిలిం మేకర్స్ ప్లాన్ చేస్తున్నారు.