'ట్రోల్స్ పట్టించుకోను.. అదే వాళ్ల పని' అంటున్న మ్యూజిక్ డైరెక్టర్

రోజురోజుకి టెక్నాలజీ ఎంత అభివృద్ధి చెందుతుందో మనుషుల మైండ్ సెట్ కూడా అలాగే మారుతూ వస్తోంది. ముఖ్యంగా సినీ ఇండస్ట్రీలో స్టార్స్ పై ట్రోలింగ్ అనేది విపరీతంగా కనిపిస్తుంది. అందులోను మ్యూజిక్ డైరెక్టర్స్ అయితే ఇట్టే బుక్కైపోతున్నారు. ఎలాంటి మ్యూజిక్ చేసిన టెక్నాలజీ ఉపయోగించి తెల్లారేసరికి అది కాపీ మ్యూజిక్ అనే ట్రోల్ చేస్తున్నారు. అలాంటి ట్రోల్స్ రెగ్యులర్ గా ఎదురుకుంటున్నాడు మ్యూజిక్ డైరెక్టర్ తమన్. ప్రస్తుతం ఇండస్ట్రీలో కొనసాగుతున్న టాప్ మ్యూజిక్ డైరెక్టర్స్ లో ఒకరు తమన్. కానీ సినిమాలలో రెగ్యులర్ మ్యూజిక్ వలన ట్రోల్ చేయబడుతున్నాడు. గతేడాది 'అల వైకుంఠపురంలో' లాంటి బ్లాక్ బస్టర్ ఆల్బమ్ అందించిన తమన్.

ఆ సినిమాలో జానపదగీతాలను కాపీ కొట్టినట్లు, అలాగే మిగతా సినిమాల్లో ఫారెన్ మ్యూజిక్ కాపీ కొట్టినట్లు నాన్ స్టాప్ ట్రోల్ చేసేవారికి స్టఫ్ గా మారాడు. కానీ తమన్ ప్రస్తుతం అందిస్తున్న సినిమాలన్ని స్టార్ హీరోలవే. అలాగే అతనికి పిలిచి మరీ అవకాశాలు ఇస్తున్నారట. తాజాగా సోషల్ మీడియాలో తమన్ చిట్ చాట్ చేసాడు. అందులో అభిమానులు అడిగిన ప్రశ్నలకు మొహమాటం లేకుండా సమాధానం ఇచ్చాడు. తన సంగీతం పై సోషల్ మీడియాలో వస్తున్న ట్రోల్స్ పై స్పందిస్తూ.. 'అలాంటి వాటి గురించి పట్టించుకుని నా సమయాన్ని వృథా చేసుకోను. నా సంగీతంపై ట్రోల్స్ క్రియేట్ చేయడం కోసం వారే తమ సమయాన్ని వృథా చేసుకుంటున్నారు' అని తెలిపాడు. ప్రస్తుతం తమన్ న్యూస్ నెట్టింట చర్చనీయంశంగా మారింది. ఇదిలా ఉండగా.. సర్కారు వారి పాట సాంగ్స్ ఆగష్టులో రిలీజ్ అవుతాయనే చిన్న క్లూ కూడా ఇచ్చేసాడు. ప్రస్తుతం చేతినిండా పలు సినిమాలతో బిజీగా ఉన్నాడు తమన్.