ఉయ్యాలవాడకు మ్యూజిక్ డైరెక్టర్ ఫిక్స్

టాలీవుడ్ లో ఇది బిగ్గెస్ట్ సెన్సేషనల్ న్యూస్ అనాల్సిందే. ఈ విషయం చెప్పిందెవరో కాదు.. సంగీత దర్శకుడు ఎస్ఎస్ థమన్. ప్రస్తుతం తెలుస్తున్న విషయాలను బట్టి.. మెగా 151గా తెరకెక్కనున్న ఉయ్యాలవాడ నరసింహారెడ్డికి.. సంగీతం అందించే బాధ్యతలను థమన్ చేతిలోనే పెట్టేశారని అనుకోవచ్చు.

ఈ విషయాన్ని చెప్పిందెవరో కాదు.. స్వయంగా థమనే. అయితే ఈ విషయాన్ని నేరుగా చెప్పలేదు కానీ.. అలా ఊహించుకునేలా ఓ హింట్ వదిలాడంతే. దర్శకుడు సురేందర్ రెడ్డితో కలిసి ఓ సెల్ఫీ దిగి దాన్ని సోషల్ మీడియాలో పోస్ట్ చేసిన థమన్.. 'నా అతి పెద్ద సెన్సేషన్.. నా రేసుగుర్రం.. ఇప్పుడు??' అంటూ ట్వీట్ పెట్టాడు. ఇదే ఇప్పుడు మెగా 151పై కొత్త సంగతులను చెప్పేస్తోంది. సురేందర్ రెడ్డి నెక్ట్స్ ప్రాజెక్ట్ ఏంటనే విషయం ఇప్పటికే తెలుసు. మెగాస్టార్ చిరంజీవితో ఉయ్యాలవాడ నరసింహారెడ్డి చిత్రం చేయనున్నాడు సూరి.

ఈ టైంలో సూరితో థమన్ సిటింగ్స్ అంటే.. అది కచ్చితంగా ఉయ్యాలవాడ గురించే అనుకోవచ్చు. అప్పట్లో బ్రూస్ లీ ఆడియో ఫంక్షన్ లో మెగాస్టార్ మాట్లాడుతూ.. థమన్ తో ఓ సినిమా చేస్తానని అన్నారు. ఇప్పుడా మాట నిలబెట్టేసుకున్నారని ఫిక్స్ అయిపోవచ్చు.

Like Us on Facebook : https://www.facebook.com/Tupakidotcom/