టెంపర్ చూపించనున్న థమన్

టాలీవుడ్ లో ప్రస్తుతం సక్సెస్ ఫుల్ సంగీత దర్శకుల్లో ఒకరైన థమన్ చక చక సినిమాలను చేస్తున్నాడు. ఈ రోజుల్లో ఎక్కువ అవకాశాలు దక్కించుకోవాలంటే చాలా కష్టం. వారికంటూ ఒక టాలెంట్ ఉంటె గాని ఛాన్సులు రావు. ఇక థమన్ ఆ విషయంలో చాలా సక్సెస్ అయ్యాడు. తనదైన శైలిలో మ్యూజిక్ అందిస్తూ సంగీత ప్రియులను ఆకర్షిస్తున్నాడు. సినిమాల రిజల్ట్ ఎలా ఉన్నా - బాణీలను అందించడంలో చాలా కొత్తదనాన్నీ చూపిస్తున్నాడు.

ఇకపోతే థమన్ నార్త్ అవకాశాలను కూడా ఈ మధ్య బాగానే అందుకుంటున్నాడు. రీసెంట్ గా గోల్ మాల్ ఎగైన్ సినిమాకు సంగీతం అందించిన థమన్ త్వరలో మరో భారీ సినిమాకు బాణీలను అందించడానికి రెడీ అవుతున్నాడు. టాలీవుడ్ లో ఎన్టీఆర్ నటించిన టెంపర్ సినిమా త్వరలో బాలీవుడ్ లో రీమేక్ కానుంది. రోహిత్ శెట్టి ఆ సినిమాను డైరెక్ట్ చేస్తుండగా హీరోగా రన్వీర్ సింగ్ నటించనున్నాడు.

త్వరలో ఈ సినిమా సెట్స్ పైకి వెళ్లనుంది. అయితే థమన్ గోల్ మాల్ ఎగైన్ కి ఇచ్చిన మ్యూజిక్ చాలా హిట్ అవ్వడంతో ఆ చిత్ర దర్శకుడే రోహిత్ శెట్టి టెంపర్ రీమేక్ కి కూడా అవకాశం ఇచ్చాడు. ఇక ఆ సినిమా హిట్ అయితే థమన్ మాస్ బీట్స్ బాలీవుడ్ లో కూడా బాగా వినిపించడం ఖాయం. మరి థమన్ ఎంత వరకు నార్త్ జనాలను మెప్పిస్తాడో చూడాలి.