అక్కడ రెండోసారి తమన్ మోత

మ్యూజిక్ డైరెక్టర్ తమన్ మాంచి జోరుమీదున్నాడు. ఈ ఏడాది ఇప్పటికే తొలి ప్రేమ మూవీతో సూపర్ హిట్ తన ఖాతాలో వేసుకున్నాడు. సింగిల్ ఫార్మాట్ లో మ్యూజిక్ ఇస్తాడని ఒకానొక టైంలో పేరు తెచ్చుకున్న తమన్ ఇప్పుడు సితక్కొట్టేస్తున్నాడు అనేంతగా అప్ డేట్ అయిపోయాడు. టాలీవుడ్.. కోలీవుడ్ దాటేసి బాలీవుడ్ లో కూడా తమన్ సౌండ్ గట్టిగా వినిపిస్తోంది.

బాలీవుడ్ కామెడీ చిత్రాల స్పెషలిస్ట్ రోహిత్ శెట్టి డైరెక్షన్ లో వచ్చిన గోల్ మాల్ 4 మూవీతో తమన్ తొలిసారి బాలీవుడ్ లో అడుగుపెట్టాడు. వాళ్లిద్దరికి మైండ్ సెట్ బాగానే సెట్టయినట్టుంది. దాంతో రోహిత్ శెట్టి తరవాత లో రణ్ వీర్ సింగ్ హీరోగా చేస్తున్న శింబా మూవీకి మ్యూజిక్ డైరెక్టర్ గా తమన్ నే ఎంచుకున్నాడు. దీంతో తమన్ సంతోషంతో ఉబ్బితబ్బిబ్బయిపోతున్నాడు. సోషల్ మీడియా లో తన ఆనందాన్ని షేర్ చేసుకున్నాడు. ‘‘ఇట్స్ టైం ఫర్ ఎ మ్యూజికల్ రోర్’’ అంటూ తను ఏ రేంజిలో మ్యూజిక్ ఇవ్వాలనుకుంటున్నదీ ముందే హింటిచ్చాడు.

తెలుగులో ఎన్టీఆర్ కెరీర్ కు యు టర్న్ ఇచ్చిన టెంపర్ మూవీ రీమేక్ గా శింబ తెరకెక్కుతోంది. ఈ సినిమాను కరణ్ జోహార్ అండ్ రోహిత్ శెట్టి సంయుక్తంగా నిర్మిస్తున్నారు. శ్రీదేవి కుమార్తె జాన్వి ఇందులో హీరోయిన్ గా నటించనుంది. ఇంత పెద్ద ప్రాజెక్టు తమన్ కు దక్కడం అంటే మోత మోగినట్టే కదా..