ట్రైలర్‌ కు సీక్వెల్‌.. అదిరింది కాన్సెప్ట్‌

తాప్సి.. రామ్‌ కుమార్‌.. కుముద్‌ మిశ్రా కీలక పాత్రల్లో నటించిన హిందీ చిత్రం ‘థప్పడ్‌’ ఈనెల చివర్లో ప్రేక్షకుల ముందుకు రాబోతుంది. రెండు వారాల క్రితం ఈ చిత్రం ట్రైలర్‌ ను విడుదల చేశారు. ట్రైలర్‌ లోనే సినిమా కథ అంతా చెప్పేశారు. సినిమా నేపథ్యం ఏంటీ.. ఏ విధంగా ఈ చిత్రం సాగుతుందనే విషయంపై ట్రైలర్‌ లో ఫుల్‌ క్లారిటీ ఇచ్చి కూడా సినిమాపై జనాల్లో ఆసక్తిని కలిగించేలా చేశారు. చాలా అన్యోన్యంగా ఉండే భార్య భర్తల మద్య ఒక చెంప దెబ్బ విడాకుల వరకు వెళ్లింది. తనను నలుగురిలో కొట్టిన భర్త నుండి విడాకులు కోరుతుంది తాప్సి. విడాకుల కోసం ఆమె చేసిన ప్రయత్నాలు ఏంటీ అనేది సినిమా.

ట్రైలర్‌ కు విమర్శకుల నుండి ప్రశంసలు దక్కాయి. ట్రైలర్‌ లో తాప్సి నటన చాలా బాగుంది అంటూ కామెంట్స్‌ వచ్చాయి. కేంద్ర మంత్రి ఇరానీ కూడా ఈ ట్రైలర్‌ పై ప్రశంసలు కురిపించిన నేపథ్యం లో చిత్ర యూనిట్‌ సభ్యులు ఆ ట్రైలర్‌ కు సీక్వెల్‌ అన్నట్లుగా మరో ట్రైలర్‌ ను తీసుకు వచ్చారు. ట్రైలర్‌ 2 ను చాలా విభిన్నంగా చూపించారు. తాప్సిని భర్త చెంప దెబ్బ కొట్టడం చూపించి ఆ తర్వాత తాప్సి మాట్లాడుతూ తర్వాత సీన్‌ కోసం చూస్తున్నారా. ఇలాంటి చెంప దెబ్బలను నేను సహించను మీరు కూడా సంహించకండి అంటూ ఒక సందేశం ఇచ్చింది.

ఇలాంటి చెంపదెబ్బ వీడియో ఇండియాలోనే అత్యధిక రిపోర్ట్‌ లు పొందిన వీడియోగా నిలవాలి. ప్రతి ఒక్కరు కూడా ఈ వీడియోను యూట్యూబ్‌ కు రిపోర్ట్‌ చేయండి అంటూ చెప్పుకొచ్చింది. చెంపదెబ్బ వీడియోను రిపోర్ట్‌ చేయండి అంటూ తాప్సి చేసిన ప్రకటన ప్రస్తుతం అందరి దృష్టిని ఆకర్షిస్తుంది. సినిమా పై మరింత ఆసక్తి ని కలిగించడం తో పాటు సినిమా గురించి జనాల్లో చర్చ జరిగేలా చేశారు. ఈనెల 28న ప్రేక్షకుల ముందుకు రాబోతున్న ఈ చిత్రం తో తాప్సి మరో సక్సెస్‌ ను అందుకోవడం తో ఈ చిత్రం లో నటన కు అవార్డును కూడా దక్కించుకోబోతుందంటూ యూనిట్‌ సభ్యులు నమ్మకంగా చెబుతున్నారు.