ఆర్ ఆర్ ఆర్ హీరోలకు అదే పెద్ద సమస్య

రాజమౌళి తీస్తున్న అల్టిమేట్ మల్టీ స్టారర్ ఆర్ ఆర్ ఆర్ షూటింగ్ అయితే జరుగుతోంది కాని దాని తాలుకు అప్ డేట్స్ లేక ఇద్దరు హీరోల అభిమానులు తెగ వర్రీ అవుతున్నారు. అసలే గాయాల దెబ్బకు రెండు నెలల గ్యాప్ వచ్చింది. చూస్తే ఇప్పుడు కోలుకున్నారు కాని విడుదల తేది ఆలస్యం అవుతుందేమో అన్న అనుమానం. జూనియర్ పక్కన జోడి ఇంకా సెట్ కానే లేదు. అలియా భట్ అజయ్ దేవగన్ ఎప్పటి నుంచి జాయిన్ అవుతారో క్లారిటీ లేదు.

ఇవన్ని ఎన్ని ఉన్నా జక్కన్న ప్లానింగ్ లో ఎలాంటి తేడా ఉండదు. ఖచ్చితంగా అనుకున్న సమయానికి సినిమాను తీసుకొస్తారు. ఒకవేళ అనూహ్యంగా ఏదైనా జరిగినా ఓ నెల అటు ఇటు తప్ప మొత్తంగా లేట్ అయ్యే ఛాన్స్ ఉండకపోవచ్చు. ఇదిలా ఉండగా చరణ్ తారక్ లకు ఇప్పుడు ఇంకోరకమైన చిక్కొచ్చి పడింది

ఆర్ ఆర్ ఆర్ తర్వాత ఎవరికి కమిట్ అవ్వాలి అనే దాని గురించి ఇద్దరూ ఆలోచనలో పడ్డారట. ఇన్ సైడ్ టాక్ చూస్తే ఇద్దరికీ కొరటాల శివ మీద కన్ను ఉందట. అయితే ప్రస్తుతం మెగాస్టార్ చిరంజీవితో సినిమా చేస్తున్న శివకు వెంటనే మరో మెగా హీరోతో చేయడం కన్నా ఓ చిన్న బ్రేక్ ఇచ్చి తారక్ తో ఫినిష్ చేసి తిరిగి చరణ్ తో చేసే ఆలోచన ఉన్నట్టు మరో న్యూస్ ఉంది.

గతంలో బండ్ల గణేష్ నిర్మాతగా కొరటాల దర్శకత్వంలో చరణ్ సినిమా ఒకటి పూజ దాకా వచ్చి ఆగిపోయింది. అప్పటి నుంచి అది బాలన్స్ లో ఉంది. గణేష్ ప్రొడ్యూసర్ గా కాదు కాని తమ కాంబో మాత్రం చరణ్ శివ ఇద్దరూ ఫిక్స్ అయ్యారు. జనతా గ్యారేజ్ తర్వాత శివ తారక్ కు సైతం మాటిచ్చాడు. సో ఇప్పుడీ ఇద్దరు స్టార్లలో కొరటాల ముందు ఎవరివైపు మొగ్గు చూపుతాడు అనేది ఆసక్తికరంగా మారింది