అర్జున్ కన్నా కబీరే ఫాస్ట్ అట

ఎన్నో విమర్శలను కుత్సిత మనస్తత్వంలో బాలీవుడ్ మీడియా ఉద్దేశపూర్వకంగా రాసిన రివ్యూలను తట్టుకుని బ్లాక్ బస్టర్ హిట్ సాధించిన కబీర్ సింగ్ మూడో వారంలో అడుగు పెట్టినా ఇంకా పూర్తిగా తగ్గలేదు. పోటీలో పెద్దగా చెప్పుకోదగ్గ సినిమాలు లేకపోవడం నిన్న రిలీజైన సూపర్ 30 గురించి మిక్స్డ్ టాక్ రావడం కబీర్ సింగ్ కు చాలా పెద్ద ప్లస్ గా మారుతున్నాయి. 300 కోట్ల మార్కును చేరుకోవడంతో పాటు ఇంకెన్ని రికార్డులు సృష్టిస్తుందో అని ట్రేడ్ సైతం ఆసక్తిగా ఎదురు చూస్తోంది.

దీని ప్రమోషన్ లో విస్తృతంగా పాల్గొంటూ మీడియాతో ఇంటరాక్ట్ అవుతున్న దర్శకుడు సందీప్ రెడ్డి వంగా అర్జున్ రెడ్డి హీరో విజయ్ దేవరకొండ కబీర్ సింగ్ హీరో షాహిద్ కపూర్ ల పోలిక గురించి ఒక ఆసక్తికరమైన సంగతి పంచుకున్నాడు. దాని ప్రకారం విజయ్ కంటే షాహిద్ ఒక్క విషయంలో ముందుంటాడట. అదేంటంటే వేగం. సెట్ లో చురుగ్గా కదిలే విషయంలో పరుగు లేదా ఫైట్ లో షాహిద్ లో చాలా ఎనర్జీ కనిపిస్తుందని స్వతహాగా స్పోర్ట్స్ మెన్ కావడంతో అతని బాడీలో రెస్పాన్సివ్ నెస్ ఎక్కువగా ఉంటుందని తేల్చాడు.

విజయ్ దేవరకొండకు అర్జున్ రెడ్డి కెరీర్ బిల్డింగ్ స్టేజిలో వచ్చిన మూవీ కాబట్టి షాహిద్ లాంటి మోస్ట్ సీనియర్ తో ఆ ఒక్క విషయంలో వెనుకబడటంలో ఆశ్చర్యం లేదు. ఓసారి షూటింగ్ లో తాను అనుకున్న టైమింగ్ కంటే షాహిద్ వేగంగా రెస్పాండ్ అవ్వడం చూసి సందీప్ వంగానే కట్ చెప్పాల్సి వచ్చిందట. దీన్ని బట్టే అర్థం చేసుకోవచ్చు సీనియారిటీ ప్లస్ బాడీ ఫిట్ నెస్ షాహిద్ కి ఎంత హెల్ప్ అయ్యిందో. కబీర్ సింగ్ ఇప్పుడు టాప్ 1 పొజిషన్ పై కన్ను వేసింది. ఇదే జోరు కొనసాగితే చేరుకోవడం కష్టమేమి కాదు