ఆ యాపారం నాది కాదంటున్న నవదీప్

కుర్ర హీరో నవదీప్ పేరు సాధారణంగా ఏదో ఒక వివాదంలో మాత్రమే వినిపిస్తూ ఉంటుంది. రేవ్ పార్టీ చేసుకోలేదని ప్రూవ్ చేసుకున్న తర్వాత.. ఈ హీరో ఓ లిక్కర్ బిజినెస్ స్టార్ట్ చేశాడనే వార్తలొచ్చాయి. బీపీఎం అంటే.. బీట్స్ పర్ మినిట్ అనే పబ్ వ్యాపారాన్ని స్టార్ట్ చేశాడని అన్నారు. మందు, విలాస ప్రియులను ఓ రేంజ్ లో ఆకట్టుకుంటోంది ఈ బీట్స్ పర్ మినిట్.

డ్యాన్స్ - మ్యూజిక్ - ఔట్ డోర్ సీటింగ్ - వీఐపీ కేబిన్స్ - స్విమ్మింగ్ పూల్ - డెక్ ఏరియాలు - స్పెషల్ సీటింగ్ - బార్ - డ్రింక్స్ - స్నాక్స్.. ఇలా అందరికీ నచ్చేలా మెచ్చేలే ఉంటుంది ఈ బీట్స్ పర్ మినిట్. దీన్ని చూసిన తర్వాత.. నవదీప్ జాక్ పాట్ కొట్టేసినట్లే అనే టాక్ వచ్చింది. ఈ వ్యాపారంతో ఈ హీరో తెగ సంపాదించేస్తాడని అన్నారు. అయితే.. అసలీ వ్యాపారామే తనది కాదంటున్నాడు నవదీప్. తనకు పబ్ వ్యాపారంలో భాగం లేదంటూ.. ట్విట్టర్ ద్వారా క్లారిటీ ఇచ్చేందుకు ట్రై చేశాడు.

'హాయ్ గైస్.. బీట్స్ పర్ మినిట్ నాది కాదు. కొంత మంది స్నేహితులు ఈ అద్భుతమైన ప్లేస్ ని స్టార్ట్ చేస్తే హెల్త్ చేస్తున్నానంతే. నాదైతే బాగుండునని కోరుకుంటున్నా కూడా' అంటూ ట్వీట్ చేశాడు నవదీప్. ట్విట్టర్ ద్వారా అధికారికంగా నవదీప్ స్టేట్మెంట్ అయితే ఇచ్చాడు కానీ.. దీన్ని చాలా మంది నమ్మడం లేదట. బహుశా ఈ హీరో స్లీపింగ్ పార్ట్నర్ ఏమో అంటూ కొత్త టాక్ మొదలుపెట్టేశారు.