`కేజీఎఫ్ చాప్ట‌ర్‌2` క్లైమాక్స్ మొద‌లైంది

‘కెజిఎఫ్ చాప్టర్ 1` ప్ర‌శాంత్ నీల్ తెర‌కెక్కించిన ఈ మూవీ ఏ స్థాయి సంచ‌ల‌నాలు సృష్టించిందో అంద‌రికి తెలిసిందే. దీనికి సీక్వెల్‌ గా రూపొందుతున్న చిత్రం ‘కెజిఎఫ్ చాప్టర్ 2’ . ఇటీవ‌లే ఈ మూవీ చివ‌రి షెడ్యూల్ హైద‌రాబాద్‌ లో మొద‌లైంది. క్లైమాక్స్ స‌న్నివేశాల్ని చిత్రీక‌రిస్తున్నారు. ఈ స‌న్నివేశాల్లో హీరో యష్‌ తో పాటు అధీరా పాత్ర‌ధారి సంజ‌య్ ద‌త్ కూడా పాల్గొంటున్నారు.

ఇప్ప‌టి వ‌ర‌కు జ‌రిగిన షెడ్యూల్ ‌తో 90 శాతం చిత్రీక‌ర‌ణ మొత్తం పూర్త‌యింది. తాజా షెడ్యూల్‌తో మూవీ మొత్తం పూర్తి కాబోతోంది. ఈ సంద‌ర్భంగా సోమ‌వారం ద‌ర్శ‌కుడు ట్వీట్ చేసిన ఫైట్ మాస్ట‌ర్స్ అన్బుమ‌ణి, .. అరివు మ‌ణి తో సెట్‌ లో వున్న ఫొటోలు సినిమాపై ఆస‌క్తిని రేకెత్తిస్తున్నాయి. మంగ‌ళ‌వారం క్లైమాక్స్‌ కు సంబంధించిన కీల‌క ఘ‌ట్టాన్ని మొద‌లుపెట్టారు. ఇందులో య‌ష్‌, .. సంజ‌య్‌ ద‌త్ పాల్గొంటున్నారు. వీరితో పాటు వంద‌ల మంది జూనియ‌ర్‌ ఆర్టిస్ట్‌ లు, ఫైట‌ర్‌ లు పాల్గొంటున్నారు. ఈ సంద‌ర్భంగా బ‌య‌టికి వ‌చ్చిన య‌ష్ ఫొటో ఆక‌ట్టుకుంటోంది.

`కీల‌క ఘ‌ట్టాల‌న్నీ పూర్త‌య్యాయి. ఇది ‘కెజిఎఫ్ చాప్టర్ 2’ చివ‌రి షెడ్యూల్‌. కానీ ఈ మూవీకి సంబంధించిన విల‌న్ ఎప్ప‌టికీ అలాగే వుంటాడు` అని ట్వీట్ చేశారు ద‌ర్శ‌కుడు ప్ర‌శాంత్ నీల్‌. ఇందు కోసం భారీ స్థాయిలో ఖ‌ర్చు చేస్తున్నార‌ట‌. ఈ మూవీ టీజ‌ర్‌ ని జ‌న‌వ‌రి 8న హీరో య‌ష్ పుట్టిన రోజు సంద‌ర్భంగా రిలీజ్ చేయ‌బోతున్నార‌ట‌. తొలి పార్ట్ ఊహ‌ల‌కు అంద‌ని స్థాయిలో వుండ‌టంతో పార్ట్ 2 ఏ స్థాయిలో వుంటుందో అని అన్ని వ‌ర్గాల్లోనే అంచ‌నాలు తారా స్థాయికి చేరాయి.