స్టార్‌ నటుడి కలల సౌదం నిర్మాణం పూర్తి

ప్రతి ఒక్కరికి సొంత ఇల్లు అనేది ఒక కలగా ఉంటుంది. ఇల్లు ఎంత ఉన్నా సొంత ఇల్లు అనేది ప్రతి ఒక్కరికి కూడా ఉండాలి అనేది కోరిక. సాదారణ జనాలు వారి స్థాయికి తగ్గట్లుగా సింపుల్‌ గా ఇళ్ల నిర్మాణం చేసుకుంటారు. కాని స్టార్స్.. సెలబ్రెటీలు వారి కలల సౌదం ను భారీ మొత్తం ఖర్చు చేసి మరీ నిర్మించుకుంటారు. పదుల కోట్ల రూపాయలను ఖర్చు చేసిన స్టార్స్ చాలా మంది ఉన్నారు. ఇక కొందరు స్టార్స్ ఏకంగా ఇంటి నిర్మాణం కోసం వందల కోట్ల రూపాయలను ఖర్చు చేసిన వారు కూడా ఉన్నారు.

బాలీవుడ్ స్టార్స్‌ ఎంతో మంది ముంబయిలో అత్యంత ఖరీదైన ఏరియాల్లో పదుల నుండి వందల కోట్ల రూపాయలు ఖర్చు చేసి ఇంటిని నిర్మించుకున్నారు. కొందరు ఇంకా సింపుల్ గానే అపార్ట్‌మెంట్‌ లో ఉంటూ ఉంటే మరి కొందరు మాత్రం సొంతంగా భారీ విల్లాలను మరియు బంగ్లాలను నిర్మించుకుంటున్నారు. తాజాగా బాలీవుడ్‌ స్టార్‌ నటుడు నవాజుద్దీన్ సిద్దిఖి తన కలల సౌదం ను నిర్మించుకున్నాడు.

ముంబయి లో అత్యంత ఖరీదైన ఏరియాలో ఈయన ఇంటి నిర్మాణం చేపట్టాడు. మూడు సంవత్సరాల పాటు కొనసాగిన ఈ ఇంటి నిర్మాణం ఎట్టకేలకు పూర్తి అయ్యింది. తాజాగా ఇంటి నిర్మాణం పూర్తి అయ్యిందని బాలీవుడ్‌ మీడియా కు నవాజుద్దీన్‌ క్లారిటీ ఇచ్చాడు. బాలీవుడ్‌ స్టార్స్ ఎంతో మంది తమ ఇంటి నిర్మాణం కోసం సంవత్సరం కంటే ఎక్కువ సమయం కేటాయించలేదు.

కాని ఈయన మాత్రం ఏకంగా మూడు సంవత్సరాలను కేటాయించడం చూస్తుంటే ఎంత ప్రత్యేకంగా ఈ ఇల్లు ఉండబోతుందో అంటూ అంతా కూడా ఆశ్చర్యంగా చూస్తున్నారు. తాజాగా నవాజుద్దీన్ ఇంటికి సంబంధించిన బయటి ఫొటోలు బయటకు వచ్చాయి. సోషల్‌ మీడియాలో ప్రస్తుతం ఆ ఫొటోలు వైరల్‌ అవుతున్నాయి. నెట్టింట ప్రత్యేకంగా నవాజుద్దీన్ ఇళ్లు అంటూ ప్రచారం చేస్తున్నారు. ఈ ఇంటి కోసం నవాజుద్దీన్‌ అత్యంత శ్రద్ద పెట్టాడు. ఆయన శద్ద ఇల్లు డిజైన్ పై కనిపిస్తూ ఉంది.

వైట్ హౌస్ మాదిరిగా ఈ ఇంటి నిర్మాణం ఉంది. పూర్తి స్థాయిలో వైట్‌ కలర్ లో డిజైన్‌ చేసిన ఈ ఇంటికి నవాబ్ బంగ్లా అనే పేరును పెట్టాడు. ఇంట్లోని ప్రతి మూలను కూడా తానే స్వయంగా డిజైన్‌ చేసుకోవడం మాత్రమే కాకుండా అన్ని విషయాలను తానే దగ్గరుండి మరీ చూసుకున్నాడట. ఇంటికి సంబంధించిన బాధ్యతలను ఏ ఒక్కరికి కూడా అప్పగించకుండా షూటింగ్‌ లకు హాజరు అవుతూనే మరో వైపు ఇంటి పనులు కూడా చూసుకున్నారు. ప్లానింగ్ మొదలుకుని ప్రతి ఒక్క విషయంలో అత్యంత జాగ్రత్తలు తీసుకున్న తర్వాతే నవాజుద్దీన్‌ సిద్దిఖి ఈ ఇంటి నిర్మాణం చేపట్టాడని వార్తలు వస్తున్నాయి. స్టార్‌ నటుడు ప్రస్తుతం బాలీవుడ్‌ లో పలు సినిమాల్లో నటిస్తున్నాడు.

వెబ్‌ సిరీస్ తో మంచి పేరు దక్కించుకుని మోస్ట్‌ వాంటెడ్‌ నటుడిగా పేరు దక్కించుకున్న నవాజుద్దీన్ సిద్దిఖి అనూహ్యంగా వెబ్‌ సిరీస్ లకు దూరం అవుతున్నట్లుగా ప్రకటించాడు. ఒకప్పుడు వెబ్‌ సిరీస్ లు అంటే కథలు చెప్పడానికి పరిధి లేదు అనే అభిప్రాయం ఉండేది. కాని ఇప్పుడు అందాల ప్రదర్శణ బూతు లతో కలిసి వెబ్‌ సిరీస్ లు బూతుమయం అయ్యాయి. అందుకే ఇక మీదట వెబ్‌ సిరీస్ లను చేయాలని తాను భావించడం లేదని ప్రకటించాడు. ఎంతో పారితోషికం ఇచ్చినా కూడా వెబ్‌ సిరీస్ ను చేయను అంటూ తేల్చి చెప్పిన నవాజుద్దీన్‌ సిద్దిఖి తన మనసు మార్చుకుని మంచి కథలను ఎంపిక చేసుకుని వెబ్‌ సిరీస్ ను చేయాలని అభిమానులు కోరుకుంటున్నారు