ఆమె సీక్రెట్స్ నాకు కూడా తెలియాలి

ప్రస్తుతం సౌత్ లో రిటైర్మెంట్ ఇచ్చిన హీరోయిన్స్ లలో అందరు కనిపించడం లేదు. ఎవరో కొందరు మాత్రమే పెళ్లి చేసుకున్న తరువాత కొన్ని ప్రత్యేక పాత్రలో కనిపిస్తున్నారు. కానీ బాలీవుడ్ కి చెందిన చాలా మంది సీనియర్ హీరోయిన్స్ మాత్రం అయిదు పదుల వయసు దాటినా కూడా ఇంకా సినీ రంగంలో ఎదో ఒక ఒక వర్క్ చేసుకుంటూ కనిపిస్తున్నారు. ఆ తరహాలో ప్రస్తుతం ఒక సీనియర్ హీరోయిన్ చాలా గుర్తింపు పొందుతోంది.

ఆమె ఎవరో కాదు సాగర వీరుడు సాగర కన్య సినిమాతో టాలీవుడ్ కి ఎంట్రీ ఇచ్చి ఆ తరువాత బాలీవుడ్ లో స్టార్ హీరోయిన్ గా ఎదిగిన శిల్పాశెట్టి. అప్పట్లో ఈ బ్యూటీ చాలా బిజీగా ఉండేది. కానీ పెళ్లి తరువాత సినిమా రంగం నుంచి కొంచెం తప్పుకున్నా కూడా రియాలిటీ షోలని అలాగే ఐపీఎల్ వంటి క్రీడా రంగంలో కూడా తనదైన శైలిలో గుర్తింపు తెచ్చుకొని ఫేమస్ అవుతోంది. అలాగ్ ఈ మధ్య వంటకాల పై కూడా అమ్మడు కొత్త ప్రయోగాలు చేస్తోంది. అలా అని ఉరుకుంటుందా అంటే అది లేదు. 90 వంటకాలు చేసే విధానంను ఒక బుక్ ద్వారా అందరికి అందించాలని చూస్తోంది.

ద డైరీ ఆఫ్ ఏ డొమెస్టిక్ డివా అనే పుస్తకాన్ని రచించి ఆన్ లైన్ లో అమ్మకానికి పెట్టింది. ఇక దాన్ని స్టార్ హీరో హృతిక్ రోషన్ సోషల్ మీడియాలో తెగ ప్రమోషన్స్ చేస్తున్నాడు. అలాగే తన సీక్రెట్ వంటకాలను తాను కూడా తెలుసుకోవాలని అనుకుంటున్నట్లు కామెంట్ కూడా పెట్టాడు. ప్రస్తుతం అందుకు సంబంధించిన ట్వీట్ చాలా వైరల్ అవుతోంది.