ఇండియాలో దిగుతున్న రష్యా 'క్రూ'

ఈ నెలాఖరులో ఓ ఇంగ్లీష్ మూవీ దేశవ్యాప్తంగా భారీ రిలీజ్ కానుంది. 'ది క్రూ' అనే టైటిల్ పై వస్తున్న ఈ చిత్రం.. నిజానికి రష్యన్ మూవీ. రష్యా సినిమా 'ఎకిపాజ్' ను ఇంగ్లీష్ వెర్షన్ లో ఇండియా అంతా రిలీజ్ చేయనున్నారు. ఇండియాలో రిలీజ్ అవుతున్న తొలి రష్యన్ మూవీగా ది క్రూ రికార్డ్ సృష్టించనుంది.

హాలీవుడ్ యాక్షన్ మూవీస్ ఏ మాత్రం తగ్గకుండా తెరకెక్కిన రష్యన్ చిత్రం ఇది. నవంబర్ లో ముంబైలో జరిగిన రష్యన్ ఫిలిం ఫెస్టివల్ లో ది క్రూను మొదట ప్రదర్శించారు. డిసెంబర్ చివరలో ఇంగ్లీష్ డబ్బింగ్ వెర్షన్ దేశవ్యాప్తంగా ప్రదర్శితం కానుంది. ఇలా రష్యన్ సినిమా ఇండియాకి రావడం వెనక పెద్ద కథే ఉంది. ఇండియన్ ఫిలిం మార్కెట్ స్టామినాను ప్రపంచం ఇప్పటికే గుర్తించింది. అందుకే కొన్ని హాలీవుడ్ సినిమాలు అమెరికా కంటే ముందే ఇక్కడ రిలీజ్ అయిపోతున్నాయి. దీనికంటే పెద్ద రీజన్ మరొకటి ఉంది.

కొన్ని నెలల క్రితం రష్యా ప్రెసిడెంట్ వ్లాదిమిర్ పుతిన్.. భారత ప్రధాని నరేంద్ర మోడీలు సంస్కృతీ సంప్రదాయాలను ఎక్స్ ఛేంజ్ చేసుకోవాలనే ఒప్పందం చేసుకున్నారు. దాని ప్రకారమే రష్యా ఫిలిం ఫెస్టివల్ ముంబైలోను.. ఇండియన్ ఫిలిం ఫెస్టివల్ మాస్కోలోనూ జరపాలని నిర్ణయించారు. ఆ కల్చరల్ ఎక్స్ ఛేంజ్ లో భాగంగానే ఇండియాకి వస్తోంది 'ది క్రూ.'


Like Us on Facebook : https://www.facebook.com/Tupakidotcom/