ఇక రీమేక్ ల జోలికి వెళ్లనంటున్న డైరక్టర్..!

టాలీవుడ్ లో టాలెంట్ ఉన్న యువ దర్శకుల్లో మేర్లపాక గాంధీ ఒకరు. మొదటి సినిమా వెంకటాద్రి ఎక్స్ ప్రెస్ తోనే అతని టాలెంట్ ఏంటన్నది అర్ధమైంది. సందీప్ కిష కెరియర్ లో క్రేజీ హిట్ గా వెంకటాద్రి ఎక్స్ ప్రెస్ నిలిచింది. ఆ సినిమాలో నటించిన తర్వాతే రకుల్ కి వరుస ఛాన్సులు వచ్చాయి. ఇక ఆ మూవీ తర్వాత మేర్లపాక గాంధీ శర్వానంద్ తో ఎక్స్ ప్రెస్ రాజా సినిమా చేశాడు. అది కూడా కమర్షియల్ గా వర్క్ అవుట్ అయ్యింది. రెండు సినిమాలకే ఆడియన్స్ లో తనకంటూ ఒక క్రేజ్ తెచ్చుకున్న డైరక్టర్ మేర్లపాక గాంధీ థర్డ్ మూవీ న్యాచురల్ స్టార్ నానితో కృష్ణార్జున యుద్ధం చేశాడు. ఆ సినిమా ఆశించిన స్థాయిలో ఫలితాన్ని అందుకోలేదు. అంతేకాదు ఆ మూవీ తర్వాత గాంధీకి అవకాశాలు కూడా రాలేదు.

3 ఏళ్ల తర్వాత లాక్ డౌన్ టైం లో ఏక్ మిని కథ అంటూ ఓ సినిమాకు కథ అందించాడు మేర్లపాక గాంధి. ఆ సినిమా టైం లోనే ఏర్పడ్డ క్లోజ్ నెస్ తో ఏక్ మిని కథ హీరో సంతోశ్ శోభన్ తో లైక్ షేర్ సబ్ స్క్రైబ్ సినిమా చేశాడు. శుక్రవారం రిలీజ్ కాబోతున్న ఈ మూవీ రిలీజ్ ప్రమోషన్స్ జోరుగా చేస్తున్నారు. ప్రస్తుతం ట్రెండ్ కి తగినట్టుగా యూట్యూబ్ వ్లాగర్ కథత్ తో ఈ సినిమా తెరకెక్కించారు.

ఈ సినిమా ప్రమోషన్స్ లో భాగంగా మేర్లపాక గాంధీ ఈ ఇక మీదట రీమేక్ ల జోలికి వెళ్లనంటూ సంచలన కామెంట్స్ చేశాడు. ఏక్ మిని కథ తర్వాత అంధాదున్ రీమేక్ గా మాస్ట్రో మూవీ చేశాడు డైరక్టర్ మేర్లపాక గాంధీ. ఓ రీమేక్ సినిమా చేయాలన్న అనుభూతి కోసం అది చేశాను. ఇక మీదట కెరియర్ లో రీమేక్ సినిమాలను చేయనని చెప్పాడు డైరక్టర్. . మరి ఆ సినిమా ఇచ్చిన షాకో లేక మరే కారణమో కానీ రీమేక్ అంటే మాత్రం దూరంగా ఉంటానని అంటున్నాడు మేర్లపాక గాంధీ.

లైక్ షేర్ సబ్ స్క్రైబ్ సినిమా ఆధ్యంతం వినోదాత్మకంగా ఉంటుందని.. వెంకటాద్రి ఎక్స్ ప్రెస్ లానే సినిమా అందరిని ఎక్సయిట్ అయ్యేలా చేస్తుందని. ప్రతి పది నిమిషాలకు ఒక ట్విస్ట్ ఆడియన్స్ ని అలరిస్తుందని అన్నారు డైరక్టర్. సంతోశ్ శోభన్ గురించి చెబుతూ అతను పెద్ద స్టార్ అవుతాడని అంటున్నారు. అతనితో మళ్లీ మళ్లీ సినిమా చేయాలని అనుకుంటున్నా అన్నారు మేర్లపాక గాంధీ. తెలుగులో ఉన్న అతి తక్కువమంది డైరక్టర్ లలో ఆరోగ్యకరమైన కామెడీ తీసే దర్శకుడు మేర్లపాక గాంధి. అందుకే ఆయన సినిమాలకు డిమాండ్ ఎక్కువ ఉంది.

తీసిన ఐదారు సినిమాలకే తనకంటూ ఒక సెపరేట్ స్టైల్ ఏర్పరచుకున్న మేర్లపాక గాంధి తప్పకుండా టాలీవుడ్ స్టార్ డైరక్టర్స్ లిస్ట్ లో ఉంటాడని చెప్పొచ్చు. లైక్ షేర్ సబ్ స్క్రైబ్ సినిమా సక్సెస్ అయితే మేర్లపాక మళ్లీ తిరిగి ఫాం లోకి వచ్చినట్టే అని చెప్పుకోవచ్చు. టాలీవుడ్ బడా హీరోకి సరిపడే కథ తన దగ్గర ఉందని.. ఆయనకి కథ వినిపించే ప్రయత్నాలు చేస్తున్నారు మేర్లపాక గాంధి. ఇదేకాదు న్యాచురల్ స్టార్ నానితో కూడా ఓ సినిమా ప్లానింగ్ లో ఉన్నట్టు చెప్పారు.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.