'జాతి రత్నాలు' కు సీక్వెల్‌ పై దర్శకుడి మాట

నవీన్ పొలిశెట్టి హీరోగా రాహుల్‌.. ప్రియదర్శి ముఖ్య పాత్రల్లో రూపొందిన జాతి రత్నాలు సినిమా మంచి విజయాన్ని సొంతం చేసుకుంది. పెద్ద ఎత్తున వసూళ్లు రాబడుతున్న ఈ సినిమా సక్సెస్ మీట్ ను నక్లెస్ రోడ్డులో నిర్వహించారు. ఈ సక్సెస్ మీట్ లో చిత్ర యూనిట్‌ సభ్యులు మరోసారి చిచ్చోర్‌ చేశారు. దర్శకుడు మరియు హీరో హీరోయిన్ ఇతరులు చేసిన సందడి అందరి దృష్టిని ఆకర్షిచింది. ఈ సక్సెస్ మీట్ లో దర్శకుడు అనుదీప్ ను రాహుల్‌ రామకృష్ణ ఈ సినిమాకు సీక్వెల్‌ ఉంటుందా అంటూ ప్రశ్నించాడు. అందుకు అనుదీప్ స్పందిస్తూ చేద్దాం తప్పకుండా చేద్దాం అన్నట్లుగా సమాధానం ఇచ్చాడు.

అనుదీప్ ఇప్పటికే తన తదుపరి సినిమా ను యాక్షన్‌ బ్యాక్‌ డ్రాప్ లో మాస్ ఎంటర్‌ టైనర్ గా రూపొందించబోతున్నట్లుగా చెప్పుకొచ్చాడు. ఈయన వైష్ణవ్‌ తేజ్‌ తో సినిమా ను చేసేందుకు అవకాశం దక్కించుకున్నాడని కూడా ఇటీవల వార్తలు వచ్చాయి. అవే నిజం అయితే అనుదీప్ తదుపరి సినిమా మెగా హీరో వైష్ణవ్ తేజ్ తో ఉండబోతుంది. ఆ తర్వాత ఏమైనా మళ్లీ ఈ టీమ్‌ తోనే జాతి రత్నాలను అనుదీప్ ప్లాన్‌ చేస్తాడేమో చూడాలి. జాతి రత్నాలు సినిమా కథ విషయంలో పెద్దగా ఏమీ లేకున్నా ఔట్ అండ్‌ ఔట్ ఎంటర్‌ టైనర్‌ గా సినిమా సాగింది. అందుకే సక్సెస్‌ అయ్యింది. సినిమా కు సీక్వెల్‌ కావాలని సినీ అభిమానులు కూడా ఆశిస్తున్నారు.