‘స‌లార్’ లో ఏక్ నెంబర్ స్పెష‌ల్‌ సాంగ్.. ప్రభాస్ హీరోయినే ఐటం గాళ్!

రెబ‌ల్‌ స్టార్ ప్రభాస్ - క‌న్న‌డ ద‌ర్శ‌కుడు ప్ర‌శాంత్ నీల్ కాంబినేష‌న్లో రాబోతున్న‌ మూవీ సలార్. ఈ చిత్రం ఇటీవ‌లే ప్రారంభ‌మైన సంగ‌తి తెలిసిందే. అయితే.. బాహుబ‌లితో త‌న క‌టౌట్ ఎలా ఉంటుందో చాటి చెప్పాడు రెబ‌ల్ స్టార్‌. ఇక‌, కేజీఎఫ్ తో త‌న స్టామినా ఏంటో కూడా చూపించాడు ప్ర‌శాంత్. దీంతో.. వీరిద్ద‌రి కాంబోలో రాబోతున్న మూవీ ఎలా ఉంటుందోన‌నే చ‌ర్చ కొన‌సాగుతోంది.

అయితే.. ఈ చిత్రం ప్రారంభం కాకుండానే అంచ‌నాలు ఆకాశంలో ఉన్నాయి. ఇక సినిమా తెరపైకి ఎప్పుడు వస్తుందో గానీ.. గాసిప్స్ తోనే ‘అంత‌కు మించి’ అన్న రీతిలో అంచనాలను క్రియేట్ చేస్తోంది స‌లార్‌. ఈ సినిమాలో విలన్ గా కోలీవుడ్ యాక్టర్ విజయ్ సేతుపతి నటించే అవకాశం ఉన్నట్లు సోష‌ల్ రూమ‌ర్ చ‌క్క‌ర్లు కొట్టిన విష‌యం తెలిసిందే. అయితే.. ఇంకా త‌న వ‌ద్ద‌కు అలాంటి ఆఫ‌ర్ రాలేద‌ని చెప్పాడ‌ట సేతుప‌తి.

కాగా.. లేటెస్ట్ గా మ‌రో ఇంట్రెస్టింగ్ గాసిప్ వచ్చింది. అదేమంటే.. ఈ సినిమాలో ఏక్ నెంబ‌ర్ ఐటం సాంగ్ ఉండేలా ప్లాన్ చేస్తున్నాడ‌ట ద‌ర్శ‌కుడు. అయితే.. ఇందులో చిందులేసేందుకు కూడా అదే స్థాయి బ్యూటీని సెల‌క్ట్ చేసిన‌ట్టు ప్ర‌చారం సాగుతోంది.

బాలీవుడ్‌లో నెంబ‌ర్ వ‌న్ హీరోయిన్ గా కంటిన్యూ అవుతున్న దీపికా ప‌దుకొణె ఈ ఐట‌మ్ సాంగ్ లో చిందేయ‌నున్న‌ట్టు రూమ‌ర్ చ‌క్క‌ర్లు కొడుతోంది. ఇప్ప‌టికే.. నాగ్ అశ్విన్ - ప్ర‌భాస్ కాంబినేష‌న్లో రాబోతున్న సైన్స్ ఫిక్ష‌న్ థ్రిల్ల‌ర్ లో దీపికా హీరోయిన్ గా న‌టించబోతున్న విష‌యం తెలిసిందే. అయితే.. దానిక‌న్నా ముందుగానే స‌లార్ తో చిందేయ‌నుంద‌ట బీటౌన్ బ్యూటీ.

మ‌రి, ఇది రూమ‌ర్ గా మిగిలిపోతుందా? వాస్తవ రూపం దాలుస్తుందా? అన్న‌ది తెలియదు గానీ.. మొత్తానికి ఈ క్రేజీ న్యూస్ అయితే ఫిల్మ్ న‌గ‌ర్ లో చ‌క్క‌ర్లు కొడుతోంది. చూడాలి మరి ఏం జరుగుతుందో!