ది ఘోస్ట్ : గ‌న్స్ అండ్ స్వార్డ్స్

కింగ్ నాగార్జున న‌టించిన లేటెస్ట్ యాక్ష‌న్ థ్రిల్ల‌ర్ 'ది ఘోస్ట్‌'. ప్ర‌వీణ్ స‌త్తారు ద‌ర్శ‌క‌త్వం వ‌హించారు. సొనాల్ చౌహాన్ హీరోయిన్ గా న‌టిస్తున్న ఈ మూవీలోని కీల‌క పాత్ర‌ల్లో బాలీవుడ్ న‌టి గుల్ ప‌నాగ్‌, తమిళ న‌టి అనికా సురేంద్ర‌న్ న‌టించారు. శ్రీ వెంక‌టేశ్వ‌ర సినిమాస్ ఎల్ ఎల్ పీ, నార్త్ స్టార్ ఎంట‌ర్ టైన్‌మెంట్స్ బ్యాన‌ర్ ల‌పై అత్యంత ప్ర‌తిష్టాత్మ‌కంగా ఈ మూవీని నిర్మించారు. అక్టోబ‌ర్ 5న ద‌స‌రాకు ఈ మూవీ భారీ స్థాయిలో రిలీజ్ కాబోతోంది. కింగ్ నాగార్జున గ‌త కొంత కాలంగా బిగ్ బ్లాస్టింగ్ హిట్ కోసం ఎదురుచూస్తున్నారు. అలాంటి సినిమా ఇద‌ని ప్ర‌స్తుతం కామెంట్ లు వినిపిస్తున్నాయి.

ద‌స‌రా బ‌రిలో నిలిచిన సినిమాల్లో కింగ్ నాగ్ 'ది ఘోస్ట్‌' పేరు ప్ర‌ధానంగా వినిపిస్తోంది. దీంతో మేక‌ర్స్ ఈ మూవీకి సంబంధించిన ప్ర‌తీ విష‌యాన్ని హైలైట్ చేస్తూ ట్రెండింగ్ అయ్యేలా ప్లాన్ చేస్తున్నారు. సినిమా రిలీజ్ కి రెండు వారాల‌కు మించి స‌మ‌యం లేక‌పోవ‌డంతో ప్ర‌చార ప‌ర్వాన్ని హోరెత్తించ‌డం మొద‌లు పెట్టారు. ఇందులో భాగంగా గురువారం 'గ‌న్స్ అండ్ స్వార్డ్స్ యాక్ష‌న్ వీడియో' అంటూ ఓ మేకింగ్ వీడియోని విడుద‌ల చేశారు. గ‌న్స్ షూటింగ్ తో పాటు క‌త్తి ఫైట్ కి సంబంధించిన క‌రువ మ‌గ లో నాగ్ శిక్ష‌ణ‌కు సంబంధించిన విజువ‌ల్స్ ని చూపించారు.

హీరోయిన్ సోనాల్ చౌహాన్ కూడా ఫైట్స్ లో ప్ర‌త్యేక శిక్ష‌ణ‌తో పాటు ప్రాక్టీస్ చేసిన‌ట్టగా తెలుస్తోంది. ఈ మూవీలోని కీల‌క పాత్ర‌ల కోసం కింగ్ నాగార్జున‌, హీరోయిన్ సోనాల్ చౌహాన్ ఏవిధంగా శిక్ష‌ణ తీసుకుని ప‌ర్ ఫెక్ట్ గా రెడీ అయ్యారో చూపించారు.

సినిమాలో ఈ ఇద్ద‌రు ఇంట‌ర్ పోల్ అధికారులుగా న‌టించిన విష‌యం తెలిసిందే. ఇందు కోసం క‌ఠోర‌మైన సాహోసోపేత విన్యాల‌కు ఈ ఇద్ద‌రు సిద్ధ‌మై సినిమాలో న‌టించిన‌ట్టుగా మేకింగ్ వీడియోతో స్ప‌ష్టం అవుతోంది.

ఇందు కోసం నాగార్జున‌, సోనాల్ చౌహాన్ ల‌కు నిఫుణులు ప్ర‌త్యేకంగా శిక్ష‌ణ ఇచ్చిన‌ట్టుగా తెలుస్తోంది. సినిమాలో నాగ్ పాత్ర‌కు ఇష్ట‌మైన ఆయుధం స్వార్డ్ త‌మ‌హాగ‌నే ని ప‌ట్టుకుని శ‌త్రువుల‌పై వీర విహారం చేసిన తీరు సినిమాకు హైలైట్ గా నిల‌వ‌నున్న విష‌యం తెలిసిందే. ఆ సీక్వెన్స్ ల కోసం నాగ్ కు ప్ర‌త్యేకంగా శిక్ష‌ణ ఇచ్చారు. ఆ త‌రువాతే ఆ స‌న్నివేశాల‌ని షూట్ చేయ‌డంతో తెర‌పై ప‌ర్ ఫెక్ట్ గా క‌నిపించి హైలైట్ అవుతున్నాయి.

ఇదిలా వుంటే ఈ మూవీ ప్రీ రిలీజ్ ఈవెంట్ ని ఈ నెల 25న క‌ర్నూలులోని ఎస్టీబీసీ గ్రౌండ్ లో భారీ స్థాయిలో నిర్వ‌హించ‌బోతున్నారు. ఈ వేడుక‌కు మూవీ టీమ్ మొత్తం హాజ‌రు కాబోతోంది. నారాయ‌ణ‌దాస్ నారంగ్ ఆశీస్సుల‌తో శ్రీ వెంక‌టేశ్వ‌ర సినిమాస్ ఎల్ ఎల్ పీ, నార్త్ స్టార్ ఎంట‌ర్ టైన్ మెంట్స్ బ్యాన‌ర్ ల‌పై పుస్కూర్ రామ్మోహ‌న్ రావు, శ‌ర‌త్ మ‌రార్ ల‌తో క‌లిసి సునీల్ నారంగ్ ఈ భారీ యాక్ష‌న్ డ్రామాని నిర్మించారు. ట్రైల‌ర్ తో ఇప్ప‌టికే భారీ అంచ‌నాలు నెల‌కొన్ని ఈ మూవీ అక్టోబ‌ర్ 5న భారీ స్థాయిలో ద‌స‌రా బ‌రిలో నిల‌వ‌బోతోంది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.