'అఖండ' ముందున్న ఒక్క ఆప్షన్ లాక్‌

బాలకృష్ణ.. బోయపాటిల కాంబోలో రూపొందుతున్న అఖండ సినిమా విడుదల విషయమై అతి త్వరలోనే సస్పెన్స్ కు తెర పడబోతుంది. అఖండ సినిమాను ఈ ఏడాది ఆరంభంలోనే విడుదల చేయాలని భావించినా కూడా సెకండ్‌ వేవ్ కారణంగా వాయిదా వేయడం జరిగింది. మళ్లీ ఇన్నాళ్లకు విడుదల విషయమై హడావుడి కనిపిస్తుంది. దసరాకు విడుదల చేయాలని భావించినా కూడా షూటింగ్ ఆలస్యం అవ్వడం వల్ల దసరా బరి నుండి తప్పుకోవాల్సి వచ్చింది. సంక్రాంతికి విడుదల చేయాలని బలంగా కోరుకున్నారట. కాని సంక్రాంతి బరిలో ఆర్ ఆర్ ఆర్‌ తో పాటు ఇంకా పలు సినిమాలు ఇప్పటికే ఉన్నాయి. కనుక అఖండ ముందు ఉన్న ఒకే ఒక్క ఆప్షన్‌ దీపావళి. క్రిస్మస్ కూడా ఇప్పటికే ఫుల్‌ ప్యాక్‌ అయ్యింది కనుక దీపావళికే సినిమాను విడుదల చేయాలనే నిర్ణయానికి వచ్చినట్లుగా సమాచారం అందుతోంది.

దీపావళికి కూడా ఒకటి రెండు మీడియం బడ్జెట్‌ సినిమాలు ఉన్నాయి. కాని వాటితో పోల్చితే ఈ సినిమాకు ఖచ్చితంగా మంచి స్కోప్ దీపావళికి ఉంటుందనే అభిప్రాయం అంతా వ్యక్తం చేస్తున్నారు. భారీ అంచనాలున్న అఖండ సినిమా కోసం నందమూరి అభిమానులు మరియు ప్రేక్షకులు ఎంతో ఆసక్తిగా ఎదురు చూస్తున్నారు. ఇప్పటికే సింహా మరియు లెజెండ్ సినిమాలతో బాలయ్య బోయపాటిలు సక్సెస్ లు దక్కించుకున్నారు. కనుక మూడవ సినిమాగా ఈ సినిమా వచ్చి హ్యాట్రిక్ దక్కించుకోవడం ఖాయం అంటూ అంతా నమ్మకంగా చెబుతున్నారు. బిగ్గెస్ట్‌ బ్లాక్ బస్టర్‌ గా అఖండ నిలుస్తుందనే నమ్మకంతో బాలయ్య అభిమానులు చాలా ఆసక్తిగా ఎదురు చూస్తున్నారు. ఈ సమయంలో బాలయ్య దీపావళికి రాబోతున్నట్లుగా ప్రచారం మొదలు అయ్యింది.

ఒకటి రెండు వారాల్లో అఖండ విడుదల తేదీపై అధికారిక ప్రకటన చేసేందుకు సిద్దం అవుతున్నారు. ఈ సినిమాలో బాలయ్యకు జోడీగా ప్రగ్యా జైస్వాల్ నటించింది. కీలక పాత్రలో పూర్ణ నటించింది. ఈ సినిమాలో శ్రీకాంత్ విలన్ గా కనిపించబోతున్నాడు. ఫ్యామిలీ హీరోగా మంచి గుర్తింపు దక్కించుకున్న శ్రీకాంత్‌ ఈ సినిమా తో పూర్తి స్థాయిలో విలన్ గా సెకండ్‌ ఇన్నింగ్స్ ను మొదలు పెట్టబోతున్నాడు. బాలయ్య గెటప్ కు మంచి రెస్పాన్స్ వచ్చింది. ఇక శ్రీకాంత్‌ గెటప్ కోసం ఏకంగా 40 మేకోవర్స్ ను ట్రై చేశారట. చాలా ప్రత్యేకంగా ఉంటుందని సమాచారం అందుతోంది. సినిమాలో శ్రీకాంత్ ను చూసి సర్‌ ప్రైజింగా ఫీల్ అవుతారని యూనిట్‌ సభ్యులు చెబుతున్నారు. మొత్తానికి అఖండ సినిమా బాలయ్య కెరీర్‌ లో మరో బ్లాక్‌ బస్టర్ గా నిలుస్తుందని అంతా నమ్మకంగా ఉన్నారు.