ఇంకొన్నాళ్లు వెయిట్ చేయమంటున్న రౌడీ స్టార్‌

విజయ్ దేవరకొండ 'లైగర్‌' సినిమా కోసం అభిమానులు చాలా ఆసక్తిగా ఎదురు చూస్తున్నారు. పూరి మూవీ కనుక మూడు నాలుగు నెలల్లో ముగించేస్తాడు అనుకుంటే ఆయన కాస్త జక్కన్న మాదిరిగా సాగతీస్తున్నాడు. గత ఏడాది అంతా కూడా కరోనా వల్ల ఖర్చు అయిపోయింది. కరోనా లాక్ డౌన్ తర్వాత అయినా చకచక లైగర్‌ సినిమాను పూర్ఇ పూర్తి చేస్తాడు అనుకుంటే ఆయన ఇంకా కూడా వెయిటింగ్‌ లోనే ఉంచాడు. విజయ్ మొదటి పాన్ ఇండియా మూవీ అవ్వడంతో పాటు మొదటి సారి బాక్సింగ్ నేపథ్యంలో నటిస్తున్న సినిమా అవ్వడం వల్ల అందరిలో అంచనాలు ఆకాశాన్ని తాకేలా ఉన్నాయి. అంచనాలకు ఏమాత్రం తగ్గకుండా పూరి మెల్లగా తెరకెక్కిస్తున్నాడు. దాంతో అభిమానులు చిరాకుగా ఉన్నారు. ఇలాంటి సమయంలో విజయ్‌ దేవరకొండ సోషల్‌ మీడియాలో ఆసక్తికర వ్యాఖ్యలు చేశాడు.

ఇన్‌ స్టా గ్రామ్‌ లో విజయ్ దేవరకొండ.. ఇది కొంతకాలం, కానీ మీరు నా మనస్సులో ఉన్నారు అంటూ పోస్ట్‌ చేశాడు. దీన్ని బట్టి ఆయన లైగర్ సినిమా ఇంకొంత ఆలస్యం అవ్వబోతున్నట్లుగా అనిపిస్తుంది. ఇప్పటికే సినిమా విడుదల తేదీ ప్రకటించారు. దాన్ని బ్రేక్‌ చేసి కొత్త తేదీని అనౌన్స్ చేస్తారా లేదంటే విజయ్ నుండి రావాల్సిన టీజర్‌ ను ఆలస్యం చేస్తున్నారా అనే విషయమై క్లారిటీ రావడం లేదు. మొత్తానికి విజయ్‌ దేవరకొండ ఏదో విషయంలో అభిమానులను మరి కొన్ని రోజులు వెయిట్‌ చేయండి మీరు నా మనసులో ఉన్నారు తప్పకుండా ఒక మంచి సర్‌ ప్రైజ్ ఇస్తాను అన్నట్లుగా చెప్పుకొచ్చాడు. లైగర్ సెప్టెంబర్‌ 9న విడుదల చేయబోతున్నట్లుగా ఇప్పటికే ప్రకటించారు. బాలీవుడ్‌ బ్యూటీ అనన్య పాండే హీరోయిన్‌ గా నటిస్తున్న ఈ సినిమా నిర్మాణంలో బాలీవుడ్‌ ఫిల్మ్‌ మేకర్ కరణ్‌ జోహార్ కూడా భాగస్వామ్యం అయిన విషయం తెల్సిందే.