సల్మాన్ ఖాన్ డాక్యుమెంటరీలో అదే ట్విస్టు

స్టార్ హీరోల‌పై డాక్యు సిరీస్ ని తెర‌కెక్కిస్తే అందులో ఆల్మోస్ట్ ఇత‌ర స్టార్లు.. క‌థానాయిక‌లు.. బంధుమిత్రులు కూడా క‌నిపించాలి. అప్పుడే సంపూర్ణ‌త క‌నిపిస్తుంది. ఇప్పుడు స‌ల్మాన్ ఖాన్ ప్రయాణాన్ని అత‌డి సూపర్ స్టార్ డమ్ వెన‌క ఎన్నో సంగ‌తుల‌ను ఆవిష్క‌రిస్తూ `బియాండ్ ది స్టార్` అనే డాక్యు సిరీస్ ని ఈ నెల ప్రారంభంలో సెట్స్ పైకి తీసుకెళ్లారు. స‌ల్మాన్ జీవితంలో జరిగిన అన్ని సంఘటనల‌ను వాటిలో నిజానిజాలు నాన్ ఫిక్ష‌న‌ల్ సంగ‌తుల్ని ఈ సిరీస్ లో హైలైట్ చేస్తార‌ని స‌మాచారం.

ఈ డాక్యు సిరీస్ లో ప‌లువురు బాలీవుడ్ స్టార్లు క‌నిపిస్తారు. ప్ర‌ముఖ ద‌ర్శ‌క‌నిర్మాత సంజయ్ లీలా భన్సాలీ కూడా ఇందులో కనిపిస్తారు. తాజా అలియా భట్ కూడా ఇందులో భాగ‌మ‌వుతుంద‌ని స‌మాచారం. ఓ స‌మాచారం మేర‌కు.. ఈ డాక్యుమెంట్ సిరీస్ అనేక మంది యాంకర్లలో ఒకరిగా ఆలియా క‌నిపిస్తారు. వారు పరిశ్రమలోని కొంతమంది ప్రఖ్యాత వ్యక్తులతో సంభాషిస్తారు. బాలీవుడ్ తార‌లంతా ఆల్మోస్ట్ `బియాండ్ ది స్టార్: సల్మాన్ ఖాన్‌`లో భాగమ‌వుతారు. సలీం ఖాన్- సోహైల్ ఖాన్- అర్బాజ్ ఖాన్ .. స్నేహితులు సాజిద్ నడియాద్వాలా- డేవిడ్ ధావన్- సూరజ్ బర్జాత్యా- అనీస్ బాజ్మీ- జాకీ ష్రాఫ్- సంజయ్ దత్ త‌దిత‌రులు ఈ సిరీస్ లో క‌నిపిస్తారు. సల్మాన్ కుటుంబ సభ్యులపై ఇప్పటికే వారి వారి పార్ట్స్ ని చిత్రీక‌రించారు.

ఇటీవల కరణ్ జోహార్ కూడా ఈ డాక్యుమెంట్ సిరీస్ లో భాగమ‌య్యారు. డాక్యు సిరీస్ మొత్తం బాలీవుడ్ తార‌లు క‌నిపిస్తారు. ఇది సల్మాన్ జీవితంలోని ముఖ్యమైన దశలు.., అతని సంబంధాలు,.. వ్యక్తిగత జీవితం స‌హా అనేక ఇతర విషయాలపై దృష్టి పెట్టి తెర‌కెక్కిస్తున్నారు. ఇందులో ఆలియాతో పాటు పలువురు ఇతర యాంకర్లు కూడా క‌నిపిస్తారు.

డాక్యు-సిరీస్ ని విరాఫ్ సర్కారీ ద‌ర్శ‌క‌త్వంలో విజ్‌క్రాఫ్ట్ ప్రొడక్షన్స్ - అప్లాజ్ ఎంటర్ టైన్ మెంట్ తో క‌లిసి సల్మాన్ ఖాన్ ఫిల్మ్స్ సంస్థ నిర్మిస్తోంది. అంతర్జాతీయ OTT దిగ్గజంతో క‌లిసి 2022 మిడిల్ లో ఈ సిరీస్ ని ప్రేక్షకులకు అందించాలని ప్లాన్ చేస్తున్నారు. అయితే ఈ డాక్యు సిరీస్ లో స‌ల్మాన్ వ్య‌క్తిగ‌త డిజైన‌ర్ లులియా వాంటూర్ తో ఎఫైర్ మ్యాట‌ర్ ని కానీ.. ఐశ్వ‌ర్యారాయ్ తో వివాదాస్ప‌ద ఎపిసోడ్స్ తాలూకా ఘ‌ర్ష‌ణ వాతావ‌ర‌ణాన్ని కూడా తెర‌పై చూపిస్తారా? అంటూ ప‌లువురు సందిగ్ధ‌త వ్య‌క్తం చేస్తున్నారు.

ఐశ్వ‌ర్యారాయ్ తో స‌ల్మాన్ ప్రేమాయ‌ణం .. అటుపై ఫిజిక‌ల్ అబ్యూజ్ గురించి చాలా చ‌ర్చ సాగింది. పెళ్లి వ‌ర‌కూ వ్య‌వ‌హారం వెళ్లినా అది స‌ఫ‌లం కాలేదు. ఆ క్ర‌మంలోనే స‌ల్మాన్ త‌నతో తీవ్రంగా ప్ర‌వ‌ర్తించాడ‌ని ఐష్ ఆరోపించింది. అత‌డి నుంచి బ్రేక‌ప్ అయ్యింది. ఐష్ ఆ త‌ర్వాత వివేక్ ఒబేరాయ్ తో ఎఫైర్ న‌డిపించ‌డం కాల‌క్ర‌మంలో అభిషేక్ బ‌చ్చ‌న్ ని పెళ్లాడి లైఫ్ లో సెటిల‌వ్వ‌డం వ‌గైరా ఎపిసోడ్స్ గురించి తెలిసిన‌దే. స‌ల్మాన్ కి ఇప్ప‌టికే చాలా మంది క‌థానాయిక‌ల‌తో ఎఫైర్లు ఉన్నాయి. అవ‌న్నీ చూపించాలంటే ఈ డాక్యు సిరీస్ లో చాలా స్పేస్ అవ‌స‌రం అని అభిమానులు విశ్లేషిస్తున్నారు. క‌థానాయిక‌ల‌తో ఎఫైర్లు.. షారూక్ తో వైరం వ‌గైరా ఎపిసోడ్స్.. కృష్ణ జింక వేట కేసులో జైలు జీవితం వగైరా ఇందులో హైలైట్ గా ఉండేందుకు ఆస్కారం ఉంది.